Lukas 8:35 - Perjanjian Baru Bahasa Melayu Maluku Utara

³⁵ Abis itu, orang-orang dari kota deng kampong-kampong di dekat situ datang untuk lia apa yang jadi. Dorang datang pa Yesus kong lia orang yang kemasukan so dudu di dekat Yesus pe kaki, dia so bae kong dia so pake baju. Pe lia itu, dorang jadi tako.

Lukas 8:35 Referans Kwoze

Lukas 10:39

Marta ada sudara parampuang satu, nama Maria. Waktu Yesus ada pa dorang pe ruma, Maria dudu badekat deng Tuhan kong dengar turus Dia pe ajaran.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.

Kisah Para Rasul 22:3

“Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.

Lukas 8:27

Waktu Yesus turung dari parau, ada laki-laki satu datang pa Yesus. Dia kemasukan banya setang. Dia datang dari kota yang di dekat situ kong dia so lama tara pake baju deng so lama tara tinggal di ruma, dia cuma tinggal di kubur-kubur goa.

Lukas 15:17

Lama-lama dia sadar deng dia pe keadaan, kong dia bilang bagini, ‘Kita pe papa pe orang karja di ruma dong pe makanang talebe-lebe, tapi kita di sini amper mati lapar.

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Markus 5:15

Waktu orang-orang itu datang pa Yesus, dorang lia orang yang kemasukan itu ada dudu di situ, dia so bae kong dia so pake baju. Dapa lia dia so bae, dorang jadi tako.

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Lukas 8:34

Pe lia bagitu, orang-orang yang jaga babi-babi itu lari. Pe sampe di kota deng kampong-kampong di dekat situ, dong carita samua yang so jadi.