Lukas 7:5 - Perjanjian Baru Bahasa Melayu Maluku Utara

⁵ Barang, dia sayang skali pa torang pe bangsa deng dia lagi yang bantu pa torang untuk kase badiri torang pe ruma ibada, padahal dia itu bukang agama Yahudi.”

Lukas 7:5 Referans Kwoze

1 Yohanes 3:14

Kalu torang sayang torang pe sudara yang percaya, torang tau torang so tara hidup tapisa dari Tuhan Allah lagi, torang so hidup deng Tuhan Allah slama-lamanya. Tapi sapa yang tara sayang dia pe sudara yang percaya, dia pe hidup tetap tapisa deng Tuhan Allah slama-lamanya, macam deng orang yang so mati.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Lukas 7:4

Kong waktu tua-tua Yahudi itu sampe pa Yesus, dong bamohon supaya Dia tolong pa komandan itu. Dorang bilang pa Yesus, “Bapa! Komandan ini pantas untuk Bapa tolong.

Lukas 7:6

Kong Yesus pigi sama-sama deng dorang. Waktu Yesus so dekat komandan itu pe ruma, komandan itu suru dia pe tamang-tamang baku dapa deng Yesus la bilang bagini, “Bapa, jang basusa-susa datang pa kita pe ruma, karna kita tara pantas tarima pa Bapa di kita pe ruma.