Lukas 7:34 - Perjanjian Baru Bahasa Melayu Maluku Utara

³⁴ Skarang, Kita Anak Manusia so datang. Kita tara bapuasa deng Kita me jaga minum anggur. Kong ngoni bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’

Lukas 7:34 Referans Kwoze

Lukas 15:2

Di situ ada lagi orang-orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus di situ, dorang bafeto bagini, “Cis, Orang ini batamang deng orang-orang berdosa, baru makang sama-sama deng dorang.”

Yohanes 12:2

Jadi, orang-orang di kampong itu biking acara makang-makang untuk hargai pa Yesus. Waktu itu, Marta yang layani pa dorang. Kong Lazarus dudu makang sama-sama deng Yesus deng orang-orang yang datang di situ.

Lukas 19:7

Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 14:1

Satu kali pas hari Sabat, hari yang orang agama Yahudi tara bole bakarja, Yesus pigi makang di orang aliran Farisi pe pemimpin satu pe ruma. Aliran Farisi itu yang pegang kuat agama Yahudi pe aturan sampe dorang jadi fanatik. Di situ, samua orang perhatikan turus pa Yesus untuk cari-cari Dia pe sala.

Lukas 7:36

Ada satu orang Yahudi dari aliran fanatik yang pe nama Farisi, dia pe nama Simon. Dia undang pa Yesus makang pa dia pe ruma. Yesus datang pa dia pe ruma, turus dudu makang di situ.

Lukas 5:29

Abis itu, Lewi biking acara basar pa dia pe ruma untuk undang Yesus makang di situ. Dia undang lagi banya tukang tagi pajak deng tamu-tamu laeng untuk makang sama-sama.

Matius 9:11

Di situ me ada orang-orang agama Yahudi dari aliran fanatik yang pe nama Farisi. Waktu dorang lia Yesus makang sama-sama deng orang-orang yang orang anggap berdosa itu, dorang bilang pa Yesus pe murit-murit, “Cis, bikiapa kong ngoni pe Guru makang sama-sama deng tukang-tukang tagi pajak deng orang-orang berdosa yang laeng?”

Yohanes 2:2

Yesus deng Dia pe murit-murit dapa undang maso di pesta kawing itu.

Lukas 11:37

Waktu Yesus abis bicara, ada satu orang Yahudi dari aliran Farisi datang kong undang pa Yesus la makang pa dia pe ruma. Jadi Yesus pigi kong makang di situ.

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Lukas 7:33

Ngoni sama deng ana-ana itu. Karna waktu Yohanes Pembaptis datang, ngoni tara tarima pa dia. Dia tara makang roti deng tara minum anggur, tapi ngoni bilang kata, ‘Dia kemasukan setang’.

Lukas 7:35

Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”