Lukas 7:26 - Perjanjian Baru Bahasa Melayu Maluku Utara

²⁶ Jadi untuk apa ngoni pigi ka sana? Ngoni ada pigi lia pa Yohanes karna dia itu nabi yang jaga kase turus Tuhan Allah pe pasáng? Butul suda! Tapi ngoni inga e, Yohanes itu lebe dari nabi biasa.

Lukas 7:26 Referans Kwoze

Lukas 20:6

Tapi kalu torang bilang, ‘Manusia yang kase hak’, samua orang ini akan lempar kase mati pa torang deng batu, karna dorang percaya, Yohanes ini nabi yang jaga kase turus Tuhan Allah pe pasáng.”

Lukas 1:76

Abis itu Zakharia bilang pa Yohanes, “Kong ngana kita pe ana, nanti orang mo bilang ngana itu Tuhan Allah yang Paling Tinggi pe nabi yang jaga kase turus Dia pe pasáng pa orang-orang. Dorang mo bilang bagitu karna ngana datang kamuka di dunia dari Tuhan, untuk kase siap orang-orang pe hati mo tarima pa Dia.

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.

Lukas 16:16

Orang jaga ajar aturan-aturan yang ada di lima kitab Musa deng yang ada di nabi-nabi pe kitab sampe waktu Yohanes Pembaptis datang. Kong mulai waktu itu, Kabar Bae tentang Tuhan Allah mo Berkuasa sebagai Raja so tasiar di mana-mana. Kong banya orang yang berusaha karas mo jadi Dia pe umat.

Lukas 7:25

Atau untuk apa ngoni pigi ka sana? Apa ngoni mo lia orang yang ada pake baju bagus? Tantu tarada, to? Karna orang yang jaga pake baju bagus deng hidup sanang-sanang, dia pe tampa di raja pe istana.

Lukas 7:27

Karna so dari dulu di Kitab Suci ada tatulis tentang dia bagini, ‘Perhatikan e! Kita mo suru Kita pe utusan kamuka dari Ngana. Dia itu yang mo buka jalang untuk Ngana, supaya orang pe hati siap mo tarima pa Ngana.’ ”