Lukas 6:8 - Perjanjian Baru Bahasa Melayu Maluku Utara

⁸ Tapi Yesus tau skali dorang pe pikiran. Kong Yesus bilang pa orang yang pe tangan sabla mati itu, “Mari ngana badiri di muka sini!” Turus, orang itu ka sana badiri di muka.

Lukas 6:8 Referans Kwoze

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.

Matius 9:4

Tapi Yesus tau dorang pe pikiran, kong Dia bilang pa dorang bagini, “Bikiapa kong ngoni bapikir yang jahat?

1 Petrus 4:1

Yesus Kristus so menderita, karna itu ngoni musti kase kuat ngoni pe hati deng pikiran supaya siap menderita sama deng Dia. Karna sapa yang menderita, dia so berenti biking dosa.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.

Filipi 1:28

Ngoni tara usa tako pa orang-orang yang lawan pa ngoni. Kalu dorang lia ngoni tara tako, itu kase tunju dorang itu akan dapa hukuman tapisa deng Tuhan Allah slama-lamanya, kong itu lagi kase tunju, ngoni yang percaya itu akan dapa slamat dari Tuhan Allah.

Kisah Para Rasul 26:26

Raja Agripa sandiri tau samua yang kita bilang itu, jadi kita barani bicara tarang-tarang pa raja pe muka. Samua itu jadi di orang banya pe muka, jadi kita yakin tarada satu yang raja tara tau.

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Yohanes 21:17

Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

Yohanes 9:4

Tuhan Allah yang utus pa Kita ada kase tugas yang torang musti biking. Torang musti biking tugas itu skarang, karna ada dia pe waktu nanti torang tara bisa biking tugas lagi. Itu bole kase sama deng kalu masi siang, orang masi bole bakarja, tapi kalu so malam, so tarada orang yang bisa bakarja lagi.

Yohanes 2:25

Kong tara perlu lagi orang kase tau pa Dia tentang manusia, karna Dia tau manusia pe dalam hati.

Lukas 5:22

Tapi Yesus tau dorang pe pikiran. Kong Dia bilang bagini, “Bikiapa kong ngoni bapikir bagitu?

Lukas 6:9

Abis itu, Yesus tanya pa orang-orang di situ bagini, “Kita tanya pa ngoni. Kalu iko torang orang agama Yahudi pe aturan, apa yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?”

Markus 3:3

Yesus bilang pa orang yang dia pe tangan sabla mati itu bagini, “Mari ngana badiri di muka sini.”

Lukas 13:12

Waktu Yesus lia parampuang itu, Dia pangge kong bilang bagini, “Ibu, ibu so sembu dari ibu pe panyake.”