Lukas 6:41 - Perjanjian Baru Bahasa Melayu Maluku Utara

⁴¹ Ngoni jaga perhatikan orang laeng pe sala yang kacil, tapi ngoni pe sala yang basar ngoni kase badiam. Itu sama deng ampas kayu yang kacil di ngoni pe sudara pe mata, ngoni bisa lia, padahal balak spanggal yang ada pele ngoni pe mata sandiri, ngoni tara lia.

Lukas 6:41 Referans Kwoze

Yohanes 8:7

Waktu dorang tanya turus-turus pa Yesus, Dia badiri kong bilang pa dorang, “Sapa dari ngoni yang tara berdosa, dia suda yang kamuka lempar pa parampuang ini deng batu.”

Yakobus 1:24

Tapi waktu dia bale muka, dia langsung lupa bagimana dia pe muka itu pe rupa.

Roma 2:1

Sudara-sudara, memang Tuhan Allah mo hukum pa samua orang yang jaga biking barang yang jahat macam tadi itu. Tapi ngoni me biking barang yang jahat itu, jadi ngoni tara ada alasan kase sala pa dorang. Karna kalu ngoni bilang dorang pantas Tuhan Allah hukum, itu sama saja deng ngoni so hukum ngoni pe diri sandiri.

Matius 7:1

Yesus bilang lagi, “Jang ngoni kase sala pa orang laeng, supaya Tuhan Allah me tara kase sala pa ngoni.

Lukas 6:40

Tarada murit yang lebe dari dia pe guru. Tapi kalu dia so selesai balajar dari dia pe guru, dia bisa jadi sama deng dia pe guru.

Lukas 6:42

Jadi bagimana kong ngoni bisa bilang pa ngoni pe sudara, ‘Sudara e, mari kita kase kaluar ampas kayu dari ngana pe mata,’ padahal balak spanggal di ngoni pe mata sandiri, ngoni kase biar. Ee, ngoni orang munafik, kase kaluar dulu balak spanggal dari ngoni pe mata, baru ngoni bisa lia bae-bae, supaya ngoni bisa kase kaluar ampas kayu dari ngoni pe sudara pe mata.”

Markus 8:7

Pa dorang ada lagi ikang kacil babarapa ekor. Yesus ambe ikang itu kong bilang tarimakasi pa Tuhan Allah. Abis itu, Yesus suru pa Dia pe murit-murit kase bage-bage ikang pa orang banya itu.