Lukas 6:18 - Perjanjian Baru Bahasa Melayu Maluku Utara

¹⁸ Dorang datang la mo dengar Yesus pe ajaran, deng lagi supaya Dia kase sembu pa dorang dari dong pe panyake, deng orang-orang yang kemasukan setang me bole jadi bae.

Lukas 6:18 Referans Kwoze

Kisah Para Rasul 5:16

Deng ada lagi banya orang dari kota-kota yang dekat Yerusalem, dong bawa orang-orang saki deng orang-orang yang kemasukan setang. Kong samua orang itu dapa kase sembu.

Matius 17:15

Orang itu bilang pa Yesus, “Bapa, tolong pa kita pe ana ka! Dia mati-mati ayam kong so menderita skali. Kalu dia amfal, dia jaga jatu di api atau di aer.

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Lukas 6:17

Abis itu, Yesus turung dari gunung sama-sama deng Dia pe murit-murit dua blas orang, kong dong berenti di tampa satu yang rata. Di situ me so ada banya orang yang jaga iko pa Dia deng banya orang laeng lagi yang datang dari daera Yudea, dari kota Yerusalem, deng dari Tirus deng Sidon, dua kota yang ada di pinggir pante.

Lukas 6:19

Samua orang di situ berusaha mo bapegang pa Yesus, barang ada kuasa yang kaluar dari Dia pe badan yang biking dorang samua jadi sembu.