Lukas 5:9 - Perjanjian Baru Bahasa Melayu Maluku Utara

⁹ Simon bilang bagitu, barang dia deng dia pe tamang-tamang satu parau itu herang deng ikang pe banya yang dorang dapa itu.

Lukas 5:9 Referans Kwoze

Lukas 4:32

Orang-orang di situ yang dengar Dia pe ajaran jadi herang, barang Dia mangajar deng kuasa yang basar.

Markus 9:6

Petrus bilang bagitu, karna dia so tara tau mo bilang apa. Barang, dorang tiga tako skali.

Lukas 4:36

Pe lia itu, samua orang yang ada di situ jadi herang kong baku bilang bagini, “Bukang maeng Dia pe kata-kata, hebat skali! Dia pake Dia pe kuasa untuk user setang-setang kaluar dari orang kong dong langsung kaluar!”

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Lukas 5:10

Bagitu lagi deng Simon pe tamang-tamang: Yakobus deng Yohanes, Zebedeus pe ana-ana. Dorang herang lia ikang pe banya itu. Kong Yesus bilang pa Simon, “Simon, jang ngana tako! Ngana biasa bacari ikang, tapi mulai skarang ngana mo cari orang supaya dorang iko pa Kita.”

Lukas 2:18

Samua orang di situ jadi herang waktu dengar gembala-gembala itu pe carita.