Lukas 5:33 - Perjanjian Baru Bahasa Melayu Maluku Utara

³³ Orang-orang Yahudi dari aliran Farisi itu, dorang tanya pa Yesus, “Torang pe murit-murit jaga bapuasa deng berdoa. Yohanes pe murit-murit me jaga bapuasa deng berdoa. Bikiapa kong Bapa pe murit-murit tara bapuasa kong makang minum turus?”

Lukas 5:33 Referans Kwoze

Lukas 20:47

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang supaya orang tau dorang itu orang bae. Dorang ini pasti mo dapa hukuman yang paling barát.”

Lukas 18:12

Kita bapuasa satu minggu dua kali, deng kita salalu kase perpuluhan dari samua kita pe hasil karja.’

Kisah Para Rasul 9:11

Turus Tuhan bilang pa dia, “Ngana pigi suda di jalang yang pe nama Jalang Lurus kong cari Yudas pe ruma. Di situ ngana cari pa satu orang yang pe nama Saulus. Dia itu orang Tarsus, kong skarang dia sementara berdoa.

Yohanes 3:25

Satu kali bagini, Yohanes pe murit babarapa orang baku malawang deng orang Yahudi yang laeng tentang cara agama Yahudi kase bersi dorang pe diri dari dosa.

Yohanes 1:35

Dia pe beso, Yohanes Pembaptis badiri lagi di situ sama-sama deng dia pe murit dua orang.

Lukas 11:1

Satu kali, Yesus ada berdoa di tampa satu. Bagitu abis berdoa, ada murit satu bilang pa Yesus bagini, “Guru, Yohanes ada kase ajar dia pe murit-murit berdoa. Jadi, torang me minta Guru kase ajar pa torang berdoa.”

Markus 12:40

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang, padahal cuma mo kase dengar pa orang. Dorang itu pasti mo dapa hukuman yang paling barát.”

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Lukas 2:37

tapi dia pe laki so mati, jadi dia so janda. Dia pe umur so delapan pulu ampa taong. Dia tara perna kase tinggal Ruma Ibada Pusat. Siang malam dia semba pa Tuhan Allah. Dia jaga bapuasa deng berdoa.

Lukas 5:32

Kita datang bukang untuk pangge pa orang yang anggap dong pe diri butul. Tapi Kita datang untuk pangge pa orang yang berdosa, supaya dong iko pa Kita.”

Lukas 5:34

Yesus jawab pa dorang pake umpama, “Kita ini sama deng pengantin laki-laki. Kalu pengantin laki-laki masi ada di pesta kawing, bole dia pe tamang-tamang dapa suru bapuasa? Tara mungkin dia mo suru dia pe tamang-tamang bapuasa kalu dia masi sama-sama deng dorang.