Lukas 5:15 - Perjanjian Baru Bahasa Melayu Maluku Utara

¹⁵ Tapi biar Yesus so larang me, dia tetap carita tentang Yesus pe kuasa kase sembu panyake itu. Karna itu, berita itu tasiar di mana-mana. Jadi tamba banya orang yang datang dengar Yesus mangajar deng minta Dia kase sembu dorang pe panyake.

Lukas 5:15 Referans Kwoze

Lukas 12:1

Waktu itu, ada orang deng ribu yang datang bakumpul pa Yesus. Dorang datang baku-baku gepe sampe dorang baku-baku injang. Kong waktu itu suda, Yesus mulai mangajar. Pertama Dia mangajar pa Dia pe murit-murit, Dia bilang, “Ngoni ati-ati deng orang-orang dari aliran Farisi, jang sampe ngoni iko dorang pe kalakuang. Dorang kase tunju pa orang, dorang itu jaga iko pa Tuhan Allah, tapi sebenarnya dorang munafik. Dorang orang Farisi pe hidup kase pengaru basar pa orang, itu sama deng ragi sadiki yang torang campur di adonan la adonan itu nae.

Markus 1:45

Tapi orang itu pigi carita di orang laeng apa yang so jadi pa dia. Jadi, Yesus so tara bisa batunju muka lagi di kota, Dia cuma bisa tinggal di tampa-tampa sunyi di luar kota. Tapi biar bagitu, orang-orang dari mana-mana tampa me datang turus pa Dia.

Matius 9:26

Kong samua yang jadi itu tasiar di seluru daera itu.

Markus 1:28

Dari situ, carita tentang Yesus itu capat skali tasiar sampe di samua tampa di daera Galilea.

Yohanes 6:2

Banya skali orang yang iko-iko pa Yesus, karna dong so lia mujizat-mujizat yang Dia biking pa orang-orang saki.

Lukas 14:25

Abis itu, banya skali orang yang bajalang iko pa Yesus. Yesus babale pa dorang kong bilang bagini,

Markus 3:7

Yesus deng Dia pe murit-murit bapinda dari orang banya, kong pigi di talaga Galilea. Tapi orang banya dari daera Galilea iko pa Dia. Ada lagi orang-orang dari daera Yudea,

1 Timotius 5:25

Bagitu lagi deng orang yang biking yang bae. Yang laeng dia pe bae kantara skali, tapi yang laeng dia pe bae bolong kantara. Nanti satu waktu baru orang-orang mo dapa tau.

Matius 9:31

Tapi waktu dorang kaluar dari ruma itu, dong carita tentang Yesus di seluru daera itu.