Lukas 5:10 - Perjanjian Baru Bahasa Melayu Maluku Utara

¹⁰ Bagitu lagi deng Simon pe tamang-tamang: Yakobus deng Yohanes, Zebedeus pe ana-ana. Dorang herang lia ikang pe banya itu. Kong Yesus bilang pa Simon, “Simon, jang ngana tako! Ngana biasa bacari ikang, tapi mulai skarang ngana mo cari orang supaya dorang iko pa Kita.”

Lukas 5:10 Referans Kwoze

Matius 13:47

Yesus bilang lagi, “Tuhan Allah Berkuasa sebagai Raja pa Dia pe umat, itu bole kase sama deng umpama ini lagi: ada babarapa orang yang buang jala basar di talaga kong dorang dapa ikang macam-macam.

Matius 4:19

Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Markus 1:17

Kong Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.”

Lukas 5:7

Kong dorang kase kode untuk pangge dong pe tamang-tamang yang ada di parau laeng supaya datang tolong pa dorang. Turus, dorang pe tamang-tamang di parau laeng datang kong sama-sama dong isi ikang di parau dua itu sampe dua parau itu amper tenggelam.

2 Korintus 8:23

Kong tentang Titus, dia itu kita pe tamang yang bakarja sama-sama deng kita untuk bantu pa ngoni. Kong dua sudara yang percaya yang sama-sama deng Titus, dorang dua itu dapa utus dari jemaat-jemaat untuk antar doi sumbangan di Yerusalem. Apa yang dorang dua biking itu, biking Yesus Kristus dapa puji deng hormat.

Kisah Para Rasul 2:4

Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.

Lukas 6:14

Simon (yang biasa Yesus pangge Petrus), Andreas (Simon pe sudara), Yakobus, Yohanes, Filipus, Bartolomeus,

Matius 20:20

Abis itu, Zebedeus pe bini deng dia pe ana Yakobus deng Yohanes datang pa Yesus. Ibu itu berlutut pa Yesus mo minta satu barang.

Matius 14:27

Tapi Yesus langsung bilang pa dorang, “Tenang, jang tako! Ini Kita!”

Matius 4:21

Abis itu, Yesus bajalang lagi kong Dia dapa lia dua orang ade kaka lagi. Yang satu dia pe nama Yakobus, yang satu lagi pe nama Yohanes. Dorang dua ada sama-sama deng dong pe papa Zebedeus kase bae-bae dong pe jala dalam parau. Kong Yesus pangge pa dong dua.

Lukas 5:9

Simon bilang bagitu, barang dia deng dia pe tamang-tamang satu parau itu herang deng ikang pe banya yang dorang dapa itu.

Yohanes 21:2

Satu kali, di talaga Tiberias pe pinggir itu, ada Simon Petrus, Tomas yang orang jaga pangge Kambar, Natanael dari kota Kana yang ada di daera Galilea, Zebedeus pe ana dua, deng Yesus pe murit dua orang laeng lagi, dorang bakumpul di situ.

2 Timotius 2:26

Deng bagitu, dorang jadi sadar lagi kong talapas dari Iblis pe kuasa yang so kuasai pa dorang, sampe dorang tara iko dia pe mau lagi.