Lukas 3:16 - Perjanjian Baru Bahasa Melayu Maluku Utara

¹⁶ Tapi Yohanes bilang pa dorang samua, “Kita baptis pa ngoni deng aer, tanda ngoni so bertobat kong iko pa Tuhan Allah. Tapi nanti, ada satu Orang yang mo datang, Dia pe kuasa lebe basar dari kita. Kong mo jadi Dia pe tukang suru-suru, yang buka Dia pe tali sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Lukas 3:16 Referans Kwoze

Kisah Para Rasul 1:5

Barang, dulu Yohanes baptis pa orang deng aer, tapi tara lama lagi Tuhan Allah mo baptis pa ngoni deng Roh Kudus.”

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Yohanes 1:33

Waktu itu, kita sandiri bolong tau Dia itu Kristus, Raja yang Tuhan Allah janji mo kase slamat pa manusia. Tapi Tuhan Allah yang suru kita baptis deng aer, Dia so bilang pa kita bagini, ‘Kalu ngana lia Kita pe Roh turung di atas satu Orang kong tinggal di atas pa Dia, Dia itu suda yang mo pake Roh Kudus untuk baptis orang.’

Yohanes 1:26

Yohanes jawab pa dorang, “Kita baptis orang deng aer, tapi ada satu Orang di ngoni pe tenga-tenga yang ngoni bolong kanal.

1 Korintus 12:13

Barang torang ini, ada orang Yahudi, deng ada yang bukang Yahudi. Ada orang karja yang dia pe tuang so bili, deng ada orang yang bebas. Torang samua Roh Kudus biking torang jadi satu, karna torang samua dapa baptis dari Roh Kudus yang sama. Roh Kudus yang sama itu, yang so ada pa torang samua, itu sama deng torang ada minum dari mata aer yang sama.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Yohanes 7:38

Sapa saja yang percaya pa Kita, dia itu nanti mo dapa apa yang so tatulis di Kitab Suci bagini, ‘Dari dalam dia pe hati akan ada sama deng mata aer yang mangalir yang biking dia bole hidup deng Tuhan Allah slama-lamanya.’ ”

Kisah Para Rasul 10:44

Kong waktu Petrus masi bicara, Roh Kudus turung pa samua orang yang dengar Petrus pe bicara itu.

Matius 3:12

Dia mo kase pisa pa orang yang iko pa Dia deng pa orang yang tara iko pa Dia. Itu sama deng orang batapis gandum untuk kase pisa dari konga. Gandum yang bagus dia simpang di lumbung, tapi konga dia buang di api yang tara mati-mati.”

Yohanes 1:27

Dia itu yang datang abis kita, deng Dia lagi lebe hebat dari kita, sampe mo jadi Dia pe tukang suru-suru yang buka Dia pe tali sandal saja me, kita tara pantas.”