Lukas 23:10 - Perjanjian Baru Bahasa Melayu Maluku Utara

¹⁰ Sementara itu, orang Yahudi pe imam-imam kapala deng guru-guru agama yang ahli lima kitab Musa maju di muka kong tudu yang barát-barát pa Yesus.

Lukas 23:10 Referans Kwoze

Kisah Para Rasul 24:5

Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Lukas 23:5

Tapi dorang lebe tamba bilang yang tara bae lagi tentang Yesus, dong bilang, “Dia ini so pengaru banya orang di samua daera Yudea deng Dia pe ajaran supaya malawang pa pemerinta. Dia mulai dari daera Galilea kong so sampe di sini, di kota Yerusalem.”

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Lukas 11:53

Abis bilang bagitu, Yesus pigi kase tinggal tampa itu. Kong mulai waktu itu, guru-guru agama Yahudi yang ahli lima kitab Musa deng orang-orang dari aliran Farisi mulai cari-cari hal deng Yesus. Dorang pancing-pancing tanya pa Yesus la Dia angka suara tentang banya hal.

Matius 27:12

Tapi waktu imam-imam kapala deng tua-tua Yahudi tudu-tudu pa Yesus, sadiki me Yesus tara bicara apa-apa.

Lukas 23:9

Jadi Herodes banya batanya pa Yesus, tapi Yesus tara jawab apa-apa.

Lukas 23:11

Kong Herodes deng dia pe tentara-tentara mulai ejek deng hina pa Yesus, kong dorang kase pake pa Dia juba bagus yang sama deng raja-raja jaga pake. Turus, dorang kase bale ulang Dia pa Pilatus.