Lukas 20:46 - Perjanjian Baru Bahasa Melayu Maluku Utara

⁴⁶ “Ngoni musti ati-ati deng guru-guru agama Yahudi yang ahli lima kitab Musa. Dorang itu kalu bajalang, suka pake juba panjang yang kase tunju dorang orang penting, deng dorang paling suka orang hormati di orang banya pe muka. Kalu di ruma ibada deng di acara-acara pesta, dorang itu paling suka dudu di muka di tampa paling terhormat.

Lukas 20:46 Referans Kwoze

Lukas 11:43

Cilaka suda ngoni orang-orang dari aliran Farisi! Kalu di ruma ibada, ngoni suka dudu di tampa yang paling muka, kong kalu di tampa umum, ngoni suka orang hormati pa ngoni.

Lukas 14:7

Waktu Yesus sementara makang di orang Farisi itu pe ruma, Yesus perhatikan pa tamu-tamu yang suka dudu di tampa yang terhormat. Karna itu, Dia mangajar pa dorang pake umpama bagini,

Lukas 12:1

Waktu itu, ada orang deng ribu yang datang bakumpul pa Yesus. Dorang datang baku-baku gepe sampe dorang baku-baku injang. Kong waktu itu suda, Yesus mulai mangajar. Pertama Dia mangajar pa Dia pe murit-murit, Dia bilang, “Ngoni ati-ati deng orang-orang dari aliran Farisi, jang sampe ngoni iko dorang pe kalakuang. Dorang kase tunju pa orang, dorang itu jaga iko pa Tuhan Allah, tapi sebenarnya dorang munafik. Dorang orang Farisi pe hidup kase pengaru basar pa orang, itu sama deng ragi sadiki yang torang campur di adonan la adonan itu nae.

Matius 16:6

Kong Yesus bilang pa dorang, “Ngoni musti ati-ati deng orang dari aliran Farisi pe ragi deng yang dari aliran Saduki pe ragi.”

3 Yohanes 1:9

Kita so perna tulis surat sadiki untuk jemaat di situ, tapi Diotrefes tara mau dengar pa kita, barang dia suka skali jadi tuang basar di jemaat.

2 Timotius 4:15

Dia tukang malawang ajaran yang torang ajar. Jadi ngana musti ati-ati deng dia.

Roma 12:10

Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Markus 8:15

Kong Yesus bilang pa dorang, “Ngoni musti ati-ati deng orang Yahudi dari aliran Farisi pe ragi deng raja Herodes pe ragi.”

Matius 23:1

Abis itu, Yesus bilang pa orang banya itu deng pa Dia pe murit-murit,

Lukas 20:47

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang supaya orang tau dorang itu orang bae. Dorang ini pasti mo dapa hukuman yang paling barát.”