Lukas 20:14 - Perjanjian Baru Bahasa Melayu Maluku Utara

¹⁴ Tapi waktu orang-orang yang jaga kobong itu dapa lia pa tuang kobong itu pe ana, dong baku ator, deng dong bilang, ‘Dia ini suda yang nanti jadi waris untuk kobong ini. Jadi, mari torang bunu pa dia, la kobong ini mo jadi torang punya.’

Lukas 20:14 Referans Kwoze

Roma 8:17

Deng karna torang ini so jadi Tuhan Allah pe ana-ana, nanti tong mo dapa warisan dari Dia, itu berarti, torang ini me ada hak dari samua yang Dia so kase sadia untuk Dia pe ana-ana. Kong torang mo dapa samua itu sama-sama deng Yesus Kristus. Tapi kalu torang mau dapa itu, tong lagi musti menderita iko pa Tuhan Allah sama deng Yesus Kristus so menderita, supaya torang nanti dapa puji deng hormat sama-sama deng Dia.

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.

Kisah Para Rasul 2:23

Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni.

Lukas 22:2

Imam-imam kapala deng guru-guru agama Yahudi yang ahli lima kitab Musa, dong baku ator mo bunu pa Yesus deng cara sambunyi-sambunyi, karna dorang tako pa orang banya yang suka pa Yesus.

Lukas 20:19

Guru-guru agama Yahudi yang ahli lima kitab Musa deng imam-imam kapala, dorang mangarti umpama yang Yesus bilang-bilang tadi tentang orang-orang yang dapa suru jaga kobong itu, Dia pe maksut itu pa dorang. Karna itu, dorang berusaha la mo tangka pa Yesus tapi dorang tako pa orang banya yang ada di situ.

Lukas 20:5

Pe dengar bagitu, dorang baku bilang bagini, “Kalu torang bilang, ‘Tuhan Allah yang kase hak’, Dia akan mo bilang pa torang, ‘Bikiapa kong ngoni tara percaya pa Yohanes?’

Lukas 19:47

Tiap hari Yesus mangajar di Ruma Ibada Pusat pe kompleks. Orang-orang Yahudi pe imam-imam kapala, guru-guru agama Yahudi yang ahli lima kitab Musa, deng pemimpin-pemimpin laeng berusaha la mo bunu pa Dia,

Matius 21:25

Coba ngoni bilang pa Kita, sapa yang kase hak pa Yohanes untuk baptis orang? Tuhan Allah, ka manusia?” Pe dengar bagitu, dorang baku bilang bagini, “Kalu torang bilang, ‘Tuhan Allah’, Dia akan mo bilang pa torang, ‘Bikiapa kong ngoni tara percaya pa Yohanes?’

Matius 16:7

Pe dengar itu, murit-murit baku bilang, “Ee, Guru bilang bagitu, barang torang tara bawa roti.”

Matius 21:34

Waktu so dekat musim bapete anggur, dia suru dia pe orang-orang karja pigi pa orang-orang yang urus kobong itu untuk minta dia pe bagian.

Lukas 20:13

Kong tuang kobong itu bilang bagini, ‘Kita musti biking apa e? Lebe bae kita suru kita pe ana sandiri, yang kita sayang. Pasti dorang hormati pa dia.’

Lukas 20:15

Turus dorang hela kase kaluar pa dia dari kobong itu kong bunu pa dia.” Pe abis carita umpama itu, Yesus tanya pa dorang, “Skarang, tuang kobong itu mo biking apa pa dorang?