Lukas 2:41 - Perjanjian Baru Bahasa Melayu Maluku Utara

⁴¹ Tiap taong, Yesus pe orang tua pigi di Yerusalem untuk iko agama Yahudi pe hari raya Paska. Hari raya itu dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang.

Lukas 2:41 Referans Kwoze

Yohanes 2:13

Waktu itu, agama Yahudi pe hari raya Paska so dekat. Di hari raya itu, dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus pigi di Yerusalem.

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 11:55

Waktu itu, orang agama Yahudi pe hari raya Paska so dekat. Hari raya itu dong inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Jadi sebelum hari raya itu, banya orang agama Yahudi dari daera-daera yang laeng datang di Yerusalem untuk ‘biking bersi diri’ iko dorang pe aturan agama.

Yohanes 6:4

Waktu itu, agama Yahudi pe hari raya Paska so dekat, dorang mo inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir.

Lukas 2:42

Waktu Yesus umur dua blas taong, Dia pe orang tua pigi di Yerusalem iko hari raya itu sama biasa. Waktu itu, dorang bawa pa Yesus.