Lukas 2:34 - Perjanjian Baru Bahasa Melayu Maluku Utara

³⁴ Turus, Simeon berdoa supaya Tuhan Allah kase Dia pe bae pa Yusuf, Maria deng pa Anak itu. Kong dia bilang pa Maria, Anak itu pe mama, “Karna Anak ini, banya orang Israel akan tara percaya kong dapa hukum dari Tuhan Allah, tapi ada banya orang Israel laeng lagi yang mo percaya kong dapa slamat. Kong Anak ini jadi tanda, Dia dari Tuhan Allah, tapi banya orang tara akan tarima pa Dia.

Lukas 2:34 Referans Kwoze

1 Korintus 1:23

Tapi torang, torang kase tau Kabar Bae tentang Yesus Kristus yang mati di kayu salib supaya orang dapa slamat dari dosa. Kabar Bae itu biking orang-orang Yahudi rasa tersinggung, sama deng batu yang biking dong pe kaki tagate. Turus, orang yang bukang Yahudi rasa Kabar Bae itu tarada guna, kata, itu cuma orang bodo pe carita.

Matius 21:44

Sapa yang jatu di atas batu itu, dia akan ancor. Deng sapa yang tatindis deng batu itu, dia akan lebe ancor. Itu akan jadi pa orang yang tolak pa Kita.]”

1 Petrus 4:14

Kalu ngoni dapa hina karna ngoni iko pa Yesus Kristus, ngoni itu paling sanang suda! Barang, itu berarti Tuhan Allah pe Roh yang luar biasa ada sama-sama deng ngoni.

Ibrani 7:7

Kong torang tau pasti, orang yang kase berdoa minta berkat untuk orang laeng, dia lebe hebat dari orang yang mo tarima berkat itu. Jadi, torang tau Melkisedek itu lebe hebat dari Abraham.

Roma 9:32

Bikiapa kong dorang tara jadi orang yang butul? Karna dorang tara percaya pa Yesus Kristus. Tapi dorang pikir kata, dorang bisa hidup butul kalu dorang biking barang yang bae iko aturan di lima kitab Musa. Deng dorang tara percaya pa Yesus Kristus, itu sama deng dong pe kaki mo tagate di batu kong jatu.

Kisah Para Rasul 6:7

Mulai dari situ, Tuhan Allah pe firman lebe tamba tasiar, kong orang-orang di Yerusalem yang percaya pa Tuhan Yesus lebe tamba banya. Imam-imam Yahudi me banya yang jadi percaya pa Yesus.

Kisah Para Rasul 24:5

Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Kisah Para Rasul 17:6

Tapi dorang tara dapa pa Paulus deng Silas di situ. Jadi dorang hela-hela pa Yason deng babarapa orang laeng yang percaya pa Yesus, dong bawa sampe pa pemerinta kota pe muka. Di situ, orang banya itu bataria, “Dua orang yang biasa biking kaco di mana-mana, so datang pa torang pe kota.

Kisah Para Rasul 13:45

Tapi waktu orang-orang Yahudi lia orang banya itu, dorang jadi mangiri pa Paulus deng Barnabas. Kong dorang mulai bahina deng malawang samua yang Paulus jaga bilang.

Kisah Para Rasul 4:26

Raja-raja yang ada di dunia basiap-siap mo baku prang, deng pemimpin-pemimpin dunia bakumpul supaya malawang pa Tuhan Allah deng pa Mesias, Raja yang Tuhan Allah janji mo kase slamat pa manusia.’

Yohanes 5:18

Yesus pe kata-kata itu biking pemimpin-pemimpin agama Yahudi lebe berusaha mo bunu pa Dia. Dorang mo bunu pa Dia bukang cuma karna Dia langgar aturan hari Sabat, tapi karna Dia bilang lagi, Tuhan Allah itu Dia pe Bapa sandiri. Itu pe arti, Dia so biking Dia pe diri sama deng Tuhan Allah.

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Matius 27:63

Dorang bilang pa Pilatus, “Bapa gubernur, torang inga waktu Yesus yang pangbafoya itu masi hidup, Dia perna bilang, ‘Kita memang mo mati, tapi dia pe hari ketiga, Kita mo hidup ulang’.

Matius 12:46

Waktu Yesus masi bicara deng orang banya itu, Dia pe mama deng Dia pe sudara-sudara datang kong badiri di luar, dorang berusaha mo baku dapa la bacarita deng Dia.

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Ibrani 7:1

Dulu, Melkisedek jadi raja di kota Salem, deng dia lagi imam dari Tuhan Allah yang Paling Tinggi. Satu kali waktu Abraham pulang dari prang kase kala raja-raja, Melkisedek kaluar dari kota Salem kong jemput pa Abraham deng berdoa minta Tuhan Allah kase berkat pa Abraham.

Kisah Para Rasul 28:22

Jadi skarang, torang mo dengar sandiri dari ngana tentang aliran Nasrani, yang torang tau di mana-mana orang-orang tara suka.”

Lukas 2:35

Deng bagitu, orang-orang pe isi hati mo dapa tau. Kong ngana Maria, nanti ngana pe hati mo sedi karna Anak ini, sama deng orang ada cucu deng panikam di ngana pe hati.”