Lukas 16:7 - Perjanjian Baru Bahasa Melayu Maluku Utara

⁷ Abis itu, dia bilang pa orang yang kedua, ‘Barapa ngana pe utang pa kita pe tuang?’ Orang itu jawab, ‘Gandum saribu karong.’ Kong orang karja itu bilang pa dia, ‘Ini ngana pe nota. Skarang tulis delapan ratus karong saja.’

Lukas 16:7 Referans Kwoze

Lukas 20:12

Turus, tuang kobong itu suru dia pe orang karja yang ketiga, tapi pa dia me dorang pukul sampe luka-luka, kong kase lempar kaluar dari kobong itu.

Lukas 20:9

Yesus kase carita umpama satu pa orang banya itu bagini, “Ada satu orang babiking kobong anggur. Turus, dia baku ator deng orang yang mo bakarja di kobong itu la urus dia pe kobong. Abis itu, dia sandiri pigi di daera laeng kong tinggal lama di sana.

Matius 18:28

Tapi waktu orang karja itu kaluar dari situ, dia baku dapa deng dia pe tamang karja. Tamang itu ada bautang pa dia doi perak saratus, itu cuma sadiki skali kalu mo kase banding deng dia pe utang pa raja. Tapi dia tangka pa dia pe tamang kong ramas dia pe tamang itu pe leher. Dia bilang pa dia pe tamang itu, ‘Woe, bayar suda ngana pe utang pa kita!’

Lukas 2:37

tapi dia pe laki so mati, jadi dia so janda. Dia pe umur so delapan pulu ampa taong. Dia tara perna kase tinggal Ruma Ibada Pusat. Siang malam dia semba pa Tuhan Allah. Dia jaga bapuasa deng berdoa.

Lukas 16:6

Orang itu jawab, ‘Kita ada utang minya zaitun ampa ribu liter.’ Orang karja itu bilang, ‘Ini ngana pe nota. Ngana dudu di situ kong capat-capat tulis dua ribu liter saja!’

Lukas 16:8

Waktu orang kaya itu dengar dia pe orang karja yang tara jujur itu biking bagitu, dia puji. Barang, dia pe orang karja itu pande ambe hati pa orang-orang supaya dorang bole tolong pa dia nanti. Memang orang-orang yang salalu iko dunia pe mau lebe pintar baakal daripada orang yang hidup dalam tarang yang iko Tuhan Allah pe mau.