Lukas 16:3 - Perjanjian Baru Bahasa Melayu Maluku Utara

³ Turus orang karja itu bilang dalam hati bagini, ‘Ado, kita pe tuang pecat pa kita. Skarang kita mo biking apa? Mo bapacol, kita tara poha. Mo baminta-minta di orang, kita malu.

Lukas 16:3 Referans Kwoze

2 Tesalonika 3:11

Torang bilang bagitu, karna torang dengar di antara ngoni ada orang-orang yang tara hambak kong tara bakarja. Dorang itu cuma suka iko campur orang laeng pe urusan.

Kisah Para Rasul 3:2

Waktu dorang sampe di Ruma Ibada Pusat pe pintu gerbang yang dia pe nama “Pintu Bagus”, di situ ada laki-laki satu yang lumpu. Orang itu mulai dari lahir dia so lumpu. Tiap hari orang angka bawa pa dia di situ, la dia baminta-minta pa orang-orang yang mo maso di Ruma Ibada Pusat pe kompleks.

Yohanes 9:8

Turus dia pe birman-birman deng orang-orang yang tau dulu dia itu tukang minta-minta, dorang baku bilang, “Dia itu ka, yang tuhari jaga dudu minta-minta?”

Lukas 18:4

Hakim itu salalu tolak janda itu pe mau, tapi lama-lama dia bilang di dia pe dalam hati bagini, ‘Biar kita tara tako pa Tuhan Allah deng tara hormati pa sapa-sapa,

Lukas 16:22

Satu kali, orang miskin itu mati, kong malaekat-malaekat bawa pa dia di tampa yang terhormat, pa Abraham pe pinggir. Orang kaya itu me mati kong orang kubur pa dia.

Lukas 16:20

Kong di situ ada lagi orang susa satu, dia pe nama Lazarus. Dia pe badan ponong deng luka. Dia ada tidor-tidor di orang kaya itu pe muka pintu gerbang.

Lukas 12:17

Kong dia babilang dalam hati bagini, ‘Kita so tarada tampa lagi untuk simpang kita pe hasil kobong kong dia pe hasil sisa yang laeng kita mo taru di mana? Apa yang musti kita biking?’

Markus 10:46

Yesus deng Dia pe murit-murit sampe di kota Yerikho. Waktu dorang so bajalang kaluar dari kota itu, ada banya orang yang iko sama-sama deng dorang. Di pinggir jalang ada orang buta satu yang dudu minta-minta. Orang itu dia pe nama Bartimeus, dia pe papa pe nama Timeus.

Kisah Para Rasul 9:6

Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”

Matius 20:8

Waktu so mo malam, tuang kobong itu bilang pa dia pe mandor, ‘Pangge kamari samua orang karja itu kong bayar dong pe gaji. Ngana bayar pa dorang mulai dari yang maso paling ka balakang sampe yang maso paling kamuka.’

Lukas 16:2

Karna itu, orang kaya itu pangge pa orang karja itu kong bilang bagini, ‘Kita dengar ngana so kase halebiru kita pe doi. Bawa kamari ngana pe laporan tentang samua yang ngana ada urus, barang kita mo kase berenti pa ngana.’

Lukas 16:4

Aa, kita tau apa yang musti kita biking, supaya kalu kita so dapa pecat, ada yang mo tarima kita pa dorang pe ruma.’