Lukas 16:1 - Perjanjian Baru Bahasa Melayu Maluku Utara

¹ Abis itu, Yesus bilang umpama satu lagi pa Dia pe murit-murit bagini, “Ada orang kaya satu yang punya orang karja. Orang karja ini yang urus samua yang orang kaya itu punya. Satu kali, ada yang balapor, bilang orang karja itu so kase halebiru samua-samua yang jadi dia pe tuang punya.

Lukas 16:1 Referans Kwoze

1 Petrus 4:10

Tiap orang dari ngoni so tarima karunia dari Tuhan Allah untuk layani satu deng yang laeng. Tuhan Allah kase karunia itu karna Dia pe bae, jadi tiap orang musti pake macam-macam karunia itu bae-bae.

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Yakobus 4:3

Atau, ngoni memang ada berdoa tapi ngoni pe tujuan itu sala, jadi ngoni tara dapa apa-apa. Barang, yang ngoni minta itu cuma untuk mo kase sanang ngoni pe diri sandiri saja.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Lukas 15:30

Tapi papa pe ana itu so kase halebiru papa pe doi deng parampuang-parampuang tara bae. Kong skarang waktu dia pulang, papa potong sapi paranggang gumu untuk dia tu!’

Lukas 15:13

Pe babarapa hari bagini, ana yang bongso itu jual dia pe bagian samua, kong pigi di daera yang jao. Di sana, dia kase halebiru dia pe doi, kong hidup deng kalakuang yang tara butul.

Lukas 19:20

Turus orang karja yang laeng datang kong bilang, ‘Bapa, ini bapa pe doi mas yang bapa ada kase pa kita. Kita simpang dalam lengso.

Lukas 16:19

Yesus carita umpama satu lagi bagini, “Ada orang kaya satu. Dia salalu pake baju ungu, itu baju bagus dari kaeng alus yang mahal. Tiap hari dia hidup sanang deng dia pe harta.

Lukas 8:3

Ada lagi Yohana, Khuza pe bini. Khuza ini kapala pelayan di raja Herodes pe istana. Deng ada yang nama Susana deng banya parampuang laeng. Samua parampuang ini pake dong pe harta untuk bantu pa Yesus deng Dia pe murit-murit pe hidup hari-hari.

Matius 20:8

Waktu so mo malam, tuang kobong itu bilang pa dia pe mandor, ‘Pangge kamari samua orang karja itu kong bayar dong pe gaji. Ngana bayar pa dorang mulai dari yang maso paling ka balakang sampe yang maso paling kamuka.’

Lukas 16:2

Karna itu, orang kaya itu pangge pa orang karja itu kong bilang bagini, ‘Kita dengar ngana so kase halebiru kita pe doi. Bawa kamari ngana pe laporan tentang samua yang ngana ada urus, barang kita mo kase berenti pa ngana.’