Lukas 15:15 - Perjanjian Baru Bahasa Melayu Maluku Utara

¹⁵ Kong dia pigi cari karja pa satu orang yang tinggal di daera itu. Orang itu suru dia jaga babi di kobong.

Lukas 15:15 Referans Kwoze

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Roma 6:22

Tapi skarang Tuhan Allah so kase bebas pa ngoni dari dosa, jadi dosa so tara jadi ngoni pe tuang lagi. Deng ngoni so serakan ngoni pe diri jadi Tuhan Allah pe suru-suru. Dia pe untung, Tuhan Allah so biking ngoni jadi Dia pe umat yang hidup cuma biking Dia pe mau. Kong dia pe ahir kabawa, ngoni mo hidup deng Tuhan Allah slama-lamanya.

Lukas 15:13

Pe babarapa hari bagini, ana yang bongso itu jual dia pe bagian samua, kong pigi di daera yang jao. Di sana, dia kase halebiru dia pe doi, kong hidup deng kalakuang yang tara butul.

Matius 7:6

Jang ngoni kase Tuhan pe firman pa orang yang tara mau tarima. Barang, itu sama deng ngoni buang apa yang kudus di anjing kong anjing itu cuma bale gigi pa ngoni, atau sama deng ngoni buang mutiara yang mahal ka sana di babi kong babi itu cuma injang-injang mutiara itu.”

Lukas 15:14

Waktu dia pe doi samua so abis, daera yang dia tinggal pas ada kelaparan yang hebat, sampe dia so mulai sengsara.

Lukas 15:16

Karna lapar skali, deng karna tarada satu orang yang kase pa dia makanang, dia ingin skali makang babi pe makanang.