Lukas 12:9 - Perjanjian Baru Bahasa Melayu Maluku Utara

⁹ Tapi sapa yang manyangkal pa Kita di orang banya pe muka, nanti Kita me akan manyangkal dia di Tuhan Allah pe malaekat-malaekat pe muka.

Lukas 12:9 Referans Kwoze

2 Timotius 2:12

Kalu torang menderita kong tetap percaya pa Tuhan Yesus, nanti torang akan berkuasa sama-sama deng Dia. Kalu torang manyangkal pa Dia, Dia me akan manyangkal pa torang.

Lukas 9:26

Karna sapa yang malu mangaku dia iko pa Kita deng iko Kita pe ajaran, nanti waktu Kita Anak Manusia datang ulang, Kita me akan malu mangaku dia iko pa Kita. Waktu itu Kita datang deng Kita pe kuasa yang luar biasa deng Kita pe Bapa pe kuasa yang luar biasa deng malaekat-malaekat yang kudus.

Markus 8:38

Orang-orang yang hidup skarang ini tara setia iko pa Tuhan Allah. Dorang lebe suka biking dosa. Kalu ada orang yang iko pa Kita deng Kita pe ajaran kong malu pa dorang itu, nanti Kita Anak Manusia me malu mo bilang, Kita kanal pa orang itu waktu Kita datang ulang deng Kita pe Bapa pe kuasa yang luar biasa, sama-sama deng malaekat-malaekat yang kudus.”

Matius 10:33

Tapi sapa yang manyangkal pa Kita di orang banya pe muka, nanti Kita me akan manyangkal pa dia di Kita pe Bapa di sorga pe muka.”

Wahyu 3:8

Kita tau samua yang ngoni jaga biking: Kita tau ngoni pe pengaru cuma sadiki. Tapi biar bagitu me, ngoni so iko Kita pe parenta deng ngoni me tara perna manyangkal pa Kita. Jadi dengar bae-bae! Kita so buka pintu untuk ngoni, pintu yang tara ada orang bisa tutu.

Matius 7:23

Tapi waktu itu suda, Kita mo bilang pa dorang bagini, ‘Kita tara perna kanal pa ngoni. Bapinda suda dari sini, ngoni yang jaga biking barang yang jahat!’ ”

1 Yohanes 2:23

Barang, sapa yang manyangkal pa Anak Allah, dia tara hidup satu hati deng Tuhan Allah torang pe Bapa. Tapi sapa yang mangaku Yesus itu Anak Allah, itu dia me so hidup satu hati deng Tuhan Allah torang pe Bapa.

Matius 25:12

Tapi pengantin laki-laki bilang dari dalam, ‘Dengar e, kita tara kanal pa ngoni.’ ”

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.

Matius 25:41

Turus, Dia mo babilang pa orang-orang yang ada pa Dia pe sabla kiri bagini, ‘Bajao suda dari sini ngoni orang-orang yang Tuhan so kutuk, kong ka sana suda maso di api yang tara mati-mati itu, yang so kase sadia untuk Iblis deng dia pe ana-ana bua.

Matius 25:31

Yesus bilang lagi, “Anak Manusia yang dari sorga mo datang ulang deng Dia pe kuasa yang luar biasa deng samua malaekat sama-sama deng Dia, kong Dia mo dudu di kursi raja yang luar biasa.

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 22:57

Tapi Petrus manyangkal, bilang tara kanal pa Yesus. Dia bilang, “Tarada me, kita tara kanal pa Dia!”