Lukas 12:21 - Perjanjian Baru Bahasa Melayu Maluku Utara

²¹ Bagitu yang akan mo jadi pa orang yang cuma tau kumpul harta untuk dia pe diri sandiri saja. Dia tara peduli deng Tuhan Allah pe mau, dia itu sama deng orang yang tarada arti apa-apa pa Tuhan Allah pe muka.”

Lukas 12:21 Referans Kwoze

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Wahyu 2:9

Kita tau ngoni so dapa siksa, baru ngoni miskin lagi. Tapi Tuhan lia ngoni kaya karna ngoni percaya butul-butul pa Tuhan. Kita tau lagi tentang orang-orang Yahudi yang bilang kata, dorang Tuhan Allah pe umat yang Dia pili, padahal dorang pe kalakuang tara iko Tuhan Allah pe mau. Dorang bicara tara bae tentang ngoni. Dorang itu sama deng jemaat yang semba pa Iblis, setang-setang pe raja.

Roma 2:5

Tapi ngoni ini kapala batu, ngoni tara mau bertobat. Karna itu, ngoni sandiri yang biking ngoni pe hukuman lebe tamba barát di hari kiamat. Di waktu itu, Tuhan Allah mo kase tunju Dia pe mara deng mo kase hukuman yang adil pa samua orang.

Lukas 16:11

Jadi kalu ngoni tara bisa dapa kase percaya harta di dunia ini, tarada yang mo kase percaya pa ngoni harta yang di sorga.

Lukas 6:24

“Tapi ngoni yang skarang ini kaya, cilaka suda ngoni, karna ngoni so rasa sanang dari ngoni pe harta.

2 Korintus 6:10

Biar torang dapa banya susa, torang pe hati tetap saja rasa sanang. Biar torang tara ada doi, tapi torang so bantu banya orang la percaya pa Yesus Kristus, itu sama deng torang biking dorang jadi kaya. Deng biar torang tara ada apa-apa di dunia, tapi sebenarnya torang dapa samua-samua dari Tuhan.

1 Timotius 6:9

Tapi orang-orang yang suka jadi kaya, dorang itu yang gampang tagoda biking barang yang jahat. Dorang pe keinginan yang bodo itu talalu tinggi. Dorang pe keinginan itu yang biking dorang cilaka. Itu sama deng binatang yang cari makanang tapi so takanal dodeso kamuka.