Lukas 12:14 - Perjanjian Baru Bahasa Melayu Maluku Utara

¹⁴ Tapi Yesus bilang pa dia, “Ee sudara, sapa yang tunju pa Kita jadi hakim atau orang yang tukang barbage ngoni dua pe waris?”

Lukas 12:14 Referans Kwoze

Roma 2:3

Jadi ngoni yang jaga kase sala pa orang laeng, jang ngoni pikir ngoni mo dapa bebas dari Tuhan Allah pe hukuman, karna ngoni me jaga biking barang yang jahat.

Roma 9:20

Tapi torang tara bole pikir bagitu. Torang ini sapa kong, sampe torang barani malawang pa Tuhan Allah? Torang ini cuma manusia yang Tuhan Allah cipta. Masa torang bilang bagini pa Dia, “Bikiapa kong Tuhan Allah cipta pa kita bagini?”

Roma 2:1

Sudara-sudara, memang Tuhan Allah mo hukum pa samua orang yang jaga biking barang yang jahat macam tadi itu. Tapi ngoni me biking barang yang jahat itu, jadi ngoni tara ada alasan kase sala pa dorang. Karna kalu ngoni bilang dorang pantas Tuhan Allah hukum, itu sama saja deng ngoni so hukum ngoni pe diri sandiri.

Yohanes 8:11

Parampuang itu jawab, “Tara ada, Bapa.” Kong Yesus bilang pa dia, “Kita me tara kase hukuman pa ibu. Pigi suda, kong mulai skarang jang biking dosa lagi e!”]

Yohanes 6:15

Yesus tau dorang so mo datang la mo paksa pa Dia untuk jadi dong pe raja. Jadi, Dia pigi basandiri lagi di gunung.

Lukas 5:20

Waktu Yesus lia orang lumpu pe tamang-tamang biking bagitu, Yesus tau dorang percaya pa Dia. Kong Yesus bilang pa orang lumpu itu, “Bapa, bapa pe dosa so dapa ampun.”

Lukas 22:58

Kong tara lama, ada satu orang laeng lia pa Petrus kong dia bilang, “Ngana me jaga baku bawa deng dong Yesus!” Tapi Petrus bilang, “Tarada, bukang kita itu!”

Lukas 12:13

Kong ada satu orang dari antara orang banya itu bilang pa Yesus bagini, “Bapa Guru, bilang ka pa kita pe sudara, la dia bagi tong dua pe waris.”