Lukas 11:47 - Perjanjian Baru Bahasa Melayu Maluku Utara

⁴⁷ Cilaka suda ngoni! Barang, ngoni so biking bagus kubur-kubur untuk nabi-nabi dulu, padahal ngoni pe orang tua dulu-dulu tara iko pa dorang, kong so bunu lagi pa dorang.

Lukas 11:47 Referans Kwoze

1 Tesalonika 2:15

Orang Yahudi dulu yang bunu pa nabi-nabi deng pa Tuhan Yesus, turus skarang dorang siksa lagi pa torang. Dorang baku musu deng samua orang. Tuhan Allah paling tara suka apa yang dong biking itu.

Kisah Para Rasul 7:51

Kong Stefanus bilang lagi pa pemimpin-pemimpin Yahudi itu bagini, “Ngoni ini memang kapala batu! Ngoni pe hati so sama deng orang yang tara kanal pa Tuhan Allah, kong ngoni tara mau dengar-dengaran pa Dia. Ngoni salalu malawang pa Roh Kudus, sama deng ngoni pe orang tua dulu-dulu.

Matius 23:27

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Ngoni itu sama deng kubur-kubur yang ada cet puti. Di luar dapa lia bagus, padahal di dalam ponong deng orang mati pe tulang deng samua yang busu.

Lukas 11:48

Jadi deng ngoni biking bagus kubur-kubur itu, itu pe arti, ngoni setuju deng ngoni pe orang tua dulu-dulu yang bunu pa nabi-nabi itu. Barang, dorang memang yang bunu pa nabi-nabi itu, kong ngoni ambe bagian di situ deng cara biking bagus nabi-nabi itu pe kubur.