Lukas 11:29 - Perjanjian Baru Bahasa Melayu Maluku Utara

²⁹ Waktu orang tatamba banya kuliling pa Yesus, turus Dia bilang, “Orang-orang yang hidup skarang ini, dorang jahat. Dorang minta Kita kase tunju mujizat satu la jadi bukti, Kita dari Tuhan Allah. Tapi Kita tara akan kase tunju mujizat apa-apa pa dorang, kacuali Kita cuma kase inga pa dorang mujizat yang perna jadi pa nabi Yunus dulu.

Lukas 11:29 Referans Kwoze

Lukas 11:16

Turus ada lagi yang laeng mo cari-cari Yesus pe sala, jadi dong minta supaya Yesus biking mujizat, la kata, dong tau butul-butul Yesus itu dari Tuhan Allah.

1 Korintus 1:22

Orang-orang Yahudi tara mo percaya kalu dorang bolong lia mujizat, yang kase tunju Tuhan Allah pe kuasa. Bagitu lagi deng orang Yunani, dorang tara mo percaya kalu torang tara pake bahasa tinggi-tinggi iko manusia pe pande.

Lukas 12:1

Waktu itu, ada orang deng ribu yang datang bakumpul pa Yesus. Dorang datang baku-baku gepe sampe dorang baku-baku injang. Kong waktu itu suda, Yesus mulai mangajar. Pertama Dia mangajar pa Dia pe murit-murit, Dia bilang, “Ngoni ati-ati deng orang-orang dari aliran Farisi, jang sampe ngoni iko dorang pe kalakuang. Dorang kase tunju pa orang, dorang itu jaga iko pa Tuhan Allah, tapi sebenarnya dorang munafik. Dorang orang Farisi pe hidup kase pengaru basar pa orang, itu sama deng ragi sadiki yang torang campur di adonan la adonan itu nae.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Yohanes 6:30

Pe dengar itu, dorang bilang pa Dia, “Kalu bagitu, coba Guru kase tunju mujizat satu pa torang supaya torang bole lia kong percaya Guru itu dari Tuhan Allah. Mujizat apa yang Guru mo biking?

Yohanes 2:18

Pe lia Yesus user orang-orang di Ruma Ibada Pusat itu, pemimpin-pemimpin agama Yahudi datang kong bilang pa Yesus, “Kalu memang Bapa ada hak biking bagitu, coba Bapa biking mujizat satu la tong tau!”

Lukas 11:50

Jadi deng bagitu, Tuhan Allah mo hukum pa ngoni orang-orang yang hidup skarang ini, gara-gara samua nabi yang so dapa bunu mulai dari waktu Tuhan Allah ada biking dunia ini,

Lukas 9:41

Kong Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Markus 8:38

Orang-orang yang hidup skarang ini tara setia iko pa Tuhan Allah. Dorang lebe suka biking dosa. Kalu ada orang yang iko pa Kita deng Kita pe ajaran kong malu pa dorang itu, nanti Kita Anak Manusia me malu mo bilang, Kita kanal pa orang itu waktu Kita datang ulang deng Kita pe Bapa pe kuasa yang luar biasa, sama-sama deng malaekat-malaekat yang kudus.”

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.