Lukas 10:25 - Perjanjian Baru Bahasa Melayu Maluku Utara

²⁵ Satu kali, ada guru agama satu yang ahli lima kitab Musa mo cari-cari Yesus pe sala. Jadi dia badiri kong batanya bagini, “Guru, kita musti biking apa supaya kita bole dapa hidup deng Tuhan Allah slama-lamanya?”

Lukas 10:25 Referans Kwoze

Lukas 18:18

Ada satu pemimpin agama Yahudi, dia tanya pa Yesus, “Guru yang bae, kita musti biking apa supaya kita bole dapa hidup deng Tuhan Allah slama-lamanya?”

Galatia 3:18

Karna itu, skarang jang ngoni pikir kalu orang iko aturan-aturan di lima kitab Musa turus, Tuhan Allah pasti mo kase pa dia apa yang Tuhan Allah so janji pa Abraham waktu dulu itu. Sebenarnya Tuhan Allah memang mo kase pa ngoni apa yang Dia so janji pa Abraham dulu, tapi Dia mo kase itu pa ngoni deng cuma-cuma. Jadi kalu ngoni lebe kamuka biking aturan-aturan itu supaya ngoni bole tarima apa yang Tuhan Allah janji itu, itu dia pe nama bukang janji lagi.

Lukas 7:30

Tapi orang-orang Yahudi dari aliran Farisi deng guru-guru agama, dorang tara kase dong pe diri untuk dapa baptis dari Yohanes, jadi deng bagitu, dorang tara tarima Tuhan Allah pe rencana untuk dong pe hidup.

Markus 10:17

Waktu Yesus so mo bajalang lagi, ada satu orang lari-lari datang pa Yesus. Orang itu berlutut pa Yesus pe muka kong dia tanya, “Guru yang bae, kita musti biking apa supaya kita bole dapa hidup deng Tuhan Allah slama-lamanya?”

Markus 12:28

Waktu itu, ada guru agama satu yang ahli lima kitab Musa datang. Dia me dengar yang Yesus deng orang-orang dari aliran Saduki baku tanya jawab tadi. Dia so tau yang Yesus jawab itu butul, jadi dia badekat pa Yesus kong tanya, “Dari samua Tuhan Allah pe parenta itu, parenta mana yang paling penting?”

Lukas 10:24

Barang, dulu banya nabi deng raja suka mo lia apa yang ngoni lia skarang ini, tapi dorang tara riki lia. Dorang me suka mo dengar apa yang ngoni dengar skarang ini, tapi dorang tara riki dengar.”

Lukas 10:26

Yesus bilang, “Apa yang tatulis tentang itu di aturan-aturan dalam lima kitab Musa? Apa yang ngana baca di situ?”

Yohanes 8:6

Dorang tanya bagitu untuk tes pa Yesus, supaya kalu Dia jawab sala, dorang ada alasan untuk kase sala pa Dia. Tapi Yesus cuma maruku kong batulis deng Dia pe jari di tana.

Markus 10:3

Tapi Yesus bale batanya pa dorang bagini, “Di Kitab Suci, nabi Musa parenta apa pa ngoni?”