Kolose 4:8 - Perjanjian Baru Bahasa Melayu Maluku Utara

⁸ Kita suru dia pigi pa ngoni, supaya ngoni bole tau torang pe keadaan di sini, deng supaya dia lagi bisa kase kuat ngoni pe hati.

Kolose 4:8 Referans Kwoze

Efesus 6:22

Jadi itu dia pe sebab kita suru dia pigi pa ngoni, supaya ngoni bole tau torang pe keadaan di sini, deng supaya dia lagi bisa kase kuat ngoni pe hati.

Kolose 2:2

Kita berusaha karas la ngoni lebe tamba percaya pa Yesus deng lebe tamba baku sayang sampe ngoni jadi satu hati. Kita mau supaya ngoni butul-butul mangarti deng yakin, Tuhan Allah pe rahasia yang hebat. Rahasia itu tentang Yesus Kristus yang dari dulu Tuhan Allah tara kase tau pa orang-orang, tapi skarang ngoni so bole tau.

2 Tesalonika 2:17

Jadi, torang berdoa supaya Tuhan kase hibur deng kase kuat ngoni samua pe hati supaya ngoni salalu bisa biking yang bae deng bicara yang bae.

1 Tesalonika 5:14

Torang minta lagi pa ngoni, togor bae-bae pa orang yang pamalas supaya dong rajin bakarja, kase kuat orang yang panako pe hati supaya percaya butul-butul pa Tuhan, tolong orang yang perlu mo dapa tolong, deng sabar pa samua orang.

1 Tesalonika 5:11

Jadi, ngoni musti carita ulang ajaran ini pa ngoni pe tamang-tamang supaya baku kase hibur deng baku kase kuat orang pe hati, sama deng yang ngoni salalu biking sampe skarang ini.

1 Tesalonika 4:18

Jadi, ngoni musti kase tau ajaran ini pa orang-orang, supaya ngoni bole baku kase kuat hati.

1 Tesalonika 3:5

Jadi kita utus Timotius pa ngoni, karna kita rasa tara puas kalu tara dengar ngoni pe kabar. Kita mo cari tau kalu ngoni masi percaya turus pa Yesus ka so tarada. Kita hawater, jang sampe Iblis, setang-setang pe raja goda pa ngoni, kong ngoni so tara percaya lagi pa Yesus. Kalu sampe jadi bagitu, torang pe karja kase ajar Kabar Bae pa ngoni tarada dia pe guna.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

1 Tesalonika 2:11

Ngoni samua tau torang pe cara ajar pa ngoni, sama deng papa yang bae urus pa dia pe ana-ana sandiri.

Filipi 2:28

Kita ingin skali mo suru dia capat-capat pulang pa ngoni, supaya kalu ngoni lia pa dia, ngoni jadi sanang lagi, deng kita pe hati me jadi tenang.

2 Korintus 12:18

Memang kita so suru pa Titus untuk pigi pa ngoni, sama-sama deng tong pe sudara yang percaya satu. Jadi kita tanya pa ngoni, waktu Titus datang pa ngoni, apa dia tipu pa ngoni kong ambe untung dari ngoni? Tarada to? Kita tau tarada, karna Titus deng kita itu, torang pe hati deng kalakuang itu sama untuk bantu pa ngoni.

2 Korintus 2:7

Jadi skarang ngoni kase ampun suda pa dia, deng hibur lagi pa dia, jang dia rasa talalu barát sampe ilang smangat hidup.

2 Korintus 1:4

Dia yang kase kuat torang pe hati waktu tong dapa macam-macam sengsara, supaya deng kekuatan itu tong me bole kase kuat orang laeng pe hati yang dapa macam-macam sengsara. Torang bole kase kuat pa dorang sama deng Tuhan Allah so kase kuat pa torang.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.