Kolose 2:2 - Perjanjian Baru Bahasa Melayu Maluku Utara

² Kita berusaha karas la ngoni lebe tamba percaya pa Yesus deng lebe tamba baku sayang sampe ngoni jadi satu hati. Kita mau supaya ngoni butul-butul mangarti deng yakin, Tuhan Allah pe rahasia yang hebat. Rahasia itu tentang Yesus Kristus yang dari dulu Tuhan Allah tara kase tau pa orang-orang, tapi skarang ngoni so bole tau.

Kolose 2:2 Referans Kwoze

Kolose 1:27

Yang Tuhan Allah kase mangarti pa dorang itu, Dia pe rencana yang paling hebat deng luar biasa pa ngoni orang-orang bukang Yahudi. Dia pe rencana itu bagini: Yesus Kristus tinggal di ngoni pe hati, jadi ngoni bole baharap deng yakin, nanti ngoni me sama-sama deng Dia di Dia pe tampa yang luar biasa.

Kolose 4:8

Kita suru dia pigi pa ngoni, supaya ngoni bole tau torang pe keadaan di sini, deng supaya dia lagi bisa kase kuat ngoni pe hati.

Efesus 6:22

Jadi itu dia pe sebab kita suru dia pigi pa ngoni, supaya ngoni bole tau torang pe keadaan di sini, deng supaya dia lagi bisa kase kuat ngoni pe hati.

Kolose 3:14

Kong yang paling penting dari samua itu, ngoni musti baku-baku sayang satu deng yang laeng. Barang, deng ngoni baku-baku sayang bagitu, ngoni taika jadi satu, deng sempurna.

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Filipi 2:1

Sudara-sudara, ngoni so percaya pa Yesus Kristus, jadi Dia so biking ngoni pe hati kuat. Ngoni pe hati sanang karna Dia sayang pa ngoni. Ngoni so hidup satu hati satu deng yang laeng karna Roh Kudus yang pimpin pa ngoni. Ngoni me baku-baku sayang, deng ada rasa kasiang satu deng yang laeng.

2 Petrus 1:3

Tuhan Allah itu hebat deng hati bae, kong karna itu, Dia pangge pa torang untuk iko pa Dia la torang kanal pa Dia. Kong karna torang so kanal pa Dia, Dia pake Dia pe kuasa yang basar untuk kase pa torang samua yang torang perlu supaya torang bole hidup iko Dia pe mau.

Roma 15:13

Tuhan Allah itu yang biking torang bole baharap deng yakin, apa yang Dia janji Dia akan biking. Karna itu, kita minta pa Tuhan Allah supaya Dia biking ngoni pe hati sanang deng hati tenang, karna ngoni so percaya pa Dia. Kita minta itu supaya Roh Kudus pe kuasa bakarja di ngoni pe hati untuk biking ngoni tatamba baharap deng yakin turus pa Tuhan Allah.

Yohanes 10:30

Kita deng Kita pe Bapa itu satu.”

Yohanes 6:69

Torang ini so percaya deng tau, Guru suda Yang Kudus yang Tuhan Allah utus.”

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Ibrani 6:11

Torang mau, ngoni samua tetap smangat biking yang bae itu turus-turus sampe hari kiamat, supaya jelas ngoni akan dapa apa yang ngoni harap dari Tuhan Allah di sorga.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Galatia 3:28

Karna itu, samua orang yang so percaya pa Yesus Kristus so tarada beda pa Tuhan Allah pe muka. Biar ngoni itu orang Yahudi atau orang bukang Yahudi, biar ngoni orang karja yang tara bebas atau orang bebas, deng biar ngoni itu laki-laki atau parampuang, Tuhan Allah lia ngoni samua itu sama, karna ngoni itu orang-orang yang so sama-sama percaya pa Kristus Yesus.

1 Korintus 2:12

Kong torang, torang tara tarima roh yang dari dunia ini, tapi torang tarima Roh Kudus yang dari Tuhan Allah, supaya torang tau samua yang Tuhan Allah so kase pa torang deng cuma-cuma.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 16:15

Samua yang Kita pe Bapa punya, itu lagi Kita punya. Jadi ngoni bole tau pasti, apa saja yang Roh Kudus kase tau pa ngoni, Dia dapa itu dari Kita.”

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Yohanes 5:17

Tapi Yesus jawab pa dorang, “Kita pe Bapa saja bakarja turus sampe hari ini, jadi Kita lagi musti bakarja turus sama deng Dia.”

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

1 Yohanes 5:7

Ada tiga bukti yang biking torang tau butul Yesus itu datang dari Tuhan Allah:

1 Yohanes 3:19

Kalu torang sayang pa orang bagitu, torang bisa tau torang ini iko yang butul, deng torang pe hati jadi tenang pa Tuhan Allah pe muka,

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.

2 Petrus 1:10

Jadi sudara-sudara, karna Tuhan Allah so pili deng pangge pa ngoni jadi Dia pe umat, ngoni musti berusaha karas untuk iko pa Dia supaya ngoni tau deng yakin Dia so pili deng pangge pa ngoni. Karna kalu ngoni biking samua yang bae yang kita bilang itu, ngoni tara akan kase tinggal ngoni pe percaya pa Dia, itu sama deng ngoni ada bajalang turus-turus kong ngoni pe kaki tara tagate di batu sampe jatu.

1 Tesalonika 5:14

Torang minta lagi pa ngoni, togor bae-bae pa orang yang pamalas supaya dong rajin bakarja, kase kuat orang yang panako pe hati supaya percaya butul-butul pa Tuhan, tolong orang yang perlu mo dapa tolong, deng sabar pa samua orang.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

1 Tesalonika 1:5

karna pertama kali waktu torang kase tau Kabar Bae tentang Yesus Kristus pa ngoni, ngoni bukang cuma dengar torang pe kata-kata saja, tapi ngoni me lia Tuhan pe kuasa dari Roh Kudus. Roh Kudus yang kase yakin sampe ngoni jadi percaya Kabar Bae itu. Ngoni me lia torang pe kalakuang yang bae, sampe ngoni tau Kabar Bae itu butul.

Kisah Para Rasul 4:32

Samua orang yang percaya pa Yesus, dorang hidup satu hati deng satu pikiran. Tarada satu orang yang bilang dia pe harta cuma untuk dia pe diri sandiri saja, tapi jadi samua orang punya.

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Lukas 1:1

Bapa Teofilus yang kita hormati. Banya orang so tulis carita tentang apa yang Yesus biking waktu Dia masi sama-sama deng torang.

Roma 2:4

Ngoni so tau Tuhan Allah pe hati itu bae skali, Dia itu sabar deng Dia pe sayang itu tara abis-abis. Tapi jang ngoni pandang enteng kong bilang kata, ngoni so butul jadi tara usa suda ngoni bertobat. Pasti ngoni so tau, Tuhan Allah pe sabar deng pe bae pa ngoni itu ada dia pe maksut, Dia mau supaya ngoni bertobat.

1 Korintus 14:31

Deng biking bagitu, ngoni samua bole baku-baku ganti kase turus pasáng dari Tuhan Allah, supaya ngoni samua bole balajar deng ngoni bole baku kase kuat ngoni pe percaya.

Efesus 1:7

Barang, deng Yesus Kristus mati kong Dia pe dara tatumpa untuk tebus pa torang, torang bole dapa ampun dari torang pe dosa-dosa. Samua itu torang dapa, karna Tuhan Allah pe bae yang basar skali pa torang.

Efesus 3:3

Memang, dulu bolong ada orang yang tau tentang Tuhan Allah pe rencana pa orang-orang bukang Yahudi. Tapi skarang, Tuhan Allah pe Roh Kudus so kase tau Dia pe rencana itu pa kita. Kong kita so tulis tentang Tuhan Allah pe rencana itu di surat ini, tapi cuma pende saja.

Efesus 3:16

Kita minta pa Tuhan Allah yang paling hebat la Dia pe Roh pe kuasa kase kuat ngoni pe hati,

Kolose 1:26

Kita pe maksut, firman yang orang tua dulu-dulu bolong mangarti, skarang Tuhan Allah so kase mangarti itu pa orang-orang yang so jadi Dia pe umat.

Kolose 2:19

Orang-orang macam bagitu so tara butul-butul lagi iko pa Yesus Kristus. Padahal Yesus Kristus itu Kapala dari samua Dia pe umat. Dia yang biking pa torang jadi satu, deng supaya torang pe percaya pa Tuhan lebe tamba kuat. Ini bole kase sama deng kapala deng badan yang jadi satu karna ada sendi-sendi yang tara biking tapisa satu deng yang laeng.

Kolose 4:3

Kong ngoni berdoa lagi untuk torang supaya Tuhan Allah buka jalang la torang bole kase tau Kabar Bae tentang Yesus Kristus pa orang-orang. Kabar Bae itu Tuhan Allah pe rencana tentang Yesus Kristus yang dulu tara ada orang yang tau. Kong gara-gara kita kase tau tentang rencana itu sampe kita dapa maso di dalam penjara ini.