Kolose 1:9 - Perjanjian Baru Bahasa Melayu Maluku Utara

⁹ Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

Kolose 1:9 Referans Kwoze

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Kolose 4:5

Kalu ngoni ada di tenga-tenga orang-orang yang bolong percaya, ngoni pake suda hikmat yang dari Tuhan Allah supaya ngoni bole hidup bae-bae deng dorang. Ngoni pake suda waktu yang ada itu bae-bae, la dorang itu bole jadi percaya pa Tuhan Yesus.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

1 Petrus 2:15

Barang, Tuhan Allah pe mau ngoni biking barang yang bae, supaya orang yang tara tau apa-apa tara barani lagi mo bicara tara bae tentang ngoni, karna so jelas yang dorang mo bicara itu tara butul.

2 Tesalonika 1:11

Kong karna torang tau Tuhan mo datang, torang salalu berdoa lagi untuk ngoni. Tuhan Allah so pangge pa ngoni jadi Dia pe umat sandiri, jadi torang berdoa la Tuhan biking ngoni pantas jadi Dia pe umat. Torang me berdoa supaya Tuhan Allah pake Dia pe kuasa la tolong pa ngoni kase selesai samua hal yang bae yang ngoni suka mo biking, ngoni biking samua itu karna ngoni percaya pa Yesus.

1 Tesalonika 5:17

Ngoni musti salalu berdoa.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Ibrani 10:36

Karna itu, ngoni musti batahang percaya biar dapa siksa, supaya kalu ngoni so biking apa yang Tuhan Allah mau, ngoni mo tarima apa yang Dia so janji itu.

Filipi 1:4

Kong tiap kali kita kase berdoa pa ngoni samua, kita salalu berdoa deng hati yang sanang.

Filemon 1:4

Filemon, waktu kita berdoa, kita salalu inga pa ngana, deng kita bilang tarimakasi pa Tuhan Allah yang kita jaga semba.

Efesus 6:6

Jang ngoni dengar-dengaran cuma waktu ngoni pe tuang ada lia-lia saja, la ngoni dapa puji. Tapi ngoni musti dengar-dengaran pa dorang, karna ngoni itu so kase ngoni pe diri jadi Yesus Kristus pe orang-orang karja, kong ngoni musti biking apa yang Tuhan Allah mau deng hati yang sunggu-sunggu.

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

1 Yohanes 2:17

Dunia ini cuma sementara saja, kong akan ancor. Samua yang manusia ingin me nanti ilang. Tapi orang yang jaga biking Tuhan Allah pe mau, dia itu tetap hidup deng Tuhan Allah sampe slama-lamanya.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

Kolose 1:6

Kong Kabar Bae yang datang pa ngoni itu so tasiar di seluru dunia, sampe banya orang so percaya pa Tuhan kong dong pe hidup beruba. Bagitu lagi yang jadi pa ngoni waktu ngoni mulai dengar Kabar Bae itu kong mangarti butul Tuhan Allah pe bae pa manusia.

Efesus 5:17

Jang ngoni sama deng orang yang bodo, tapi ngoni berusaha suda supaya ngoni mangarti bae-bae Tuhan pe mau.

Efesus 5:10

Deng ngoni lagi musti berusaha cari tau apa saja yang biking Tuhan Allah pe hati sanang.

Efesus 1:8

Dia pe bae itu Dia kase talebe-lebe pa torang, kong Dia biking torang bijaksana deng biking torang mangarti banya hal tentang Dia pe rencana.

Yohanes 7:17

Cuma orang yang mau biking Tuhan Allah pe mau yang bisa tau kalu Kita pe ajaran ini datang dari Tuhan Allah sandiri atau dari Kita pe pikiran sandiri.

1 Korintus 1:5

Deng karna ngoni pe percaya pa Dia, Dia biking ngoni kaya di hal-hal yang bagini: ngoni mampo babicara tentang Dia di orang banya pe muka, deng mangarti banya hal.

Kisah Para Rasul 12:5

Jadi Petrus dapa tahang di penjara. Tapi biar bagitu me, orang-orang yang percaya tara berenti-berenti berdoa pa Tuhan Allah untuk Petrus.

Filemon 1:6

Deng kita berdoa, supaya ngoni yang so percaya bole lebe tamba hidup satu hati satu deng yang laeng. Kong karna itu, ngoni bole lebe mangarti samua Tuhan pe bae yang Dia kase pa ngoni karna ngoni so satu hati deng Yesus Kristus.