Kolose 1:20 - Perjanjian Baru Bahasa Melayu Maluku Utara

²⁰ Kong deng Yesus Kristus itu lagi, Tuhan Allah biking supaya samua yang ada di bumi deng di sorga pe hubungan bole bae-bae ulang deng Dia. Hubungan deng Tuhan Allah itu jadi bae-bae ulang, karna Yesus Kristus pe dara yang tatumpa di kayu salib.

Kolose 1:20 Referans Kwoze

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Ibrani 2:17

Kong karna Dia mo tolong pa torang yang jadi Dia pe sudara, Tuhan Allah musti biking Yesus jadi sama persis deng torang manusia. Deng karna Yesus so rasa samua yang torang so rasa, Dia bole kase tunju Dia pe rasa kasiang pa torang manusia, sampe bole kase Dia pe diri mati untuk tebus torang pe dosa-dosa. Deng Dia mati itu, Yesus jadi Imam Basar yang setia pa Tuhan Allah supaya torang deng Tuhan Allah pe hubungan jadi bae ulang.

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Filipi 2:10

supaya deng Dia pe kuasa itu, samua mo berlutut semba pa Dia: samua yang ada di sorga, samua yang ada di bumi, deng samua yang ada di tampa orang mati.

Kisah Para Rasul 10:30

Kornelius bilang pa dia, “Ampa hari lalu, kira-kira sama deng skarang ini jam tiga sore, kita ada berdoa di kita pe ruma. Kage-kage ada satu orang badiri pa kita pe muka. Orang itu pe baju bacahaya skali.

Lukas 2:14

“Puji deng hormat pa Tuhan Allah yang ada di sorga! Kong di bumi ini, Tuhan Allah akan kase hati yang tenang pa orang-orang yang biking sanang Tuhan Allah pe hati.”

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Kolose 1:16

Karna deng Yesus Kristus itu suda, Tuhan Allah cipta samua-samua, yang ada di sorga deng di bumi, samua yang orang bisa lia deng yang tara bisa lia, termasuk samua yang bapimpin deng yang berkuasa di udara. Dia cipta samua-samua itu sama-sama deng Yesus Kristus, supaya Yesus Kristus dapa puji.