Kolose 1:19 - Perjanjian Baru Bahasa Melayu Maluku Utara

¹⁹ Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Kolose 1:19 Referans Kwoze

Kolose 2:9

Inga, jang ngoni tapengaru deng dong pe ajaran yang sala itu, karna samua Tuhan Allah pe sifat deng kuasa ada pa Yesus Kristus pe diri.

Yohanes 1:16

Dia pe sayang pa torang tara perna abis-abis. Kong karna Dia pe sayang itu, Dia tara berenti-berenti kase Dia pe bae pa torang samua.

Efesus 1:23

Kong orang-orang percaya itu bole kase sama deng Dia pe badan. Dia itu sama deng torang pe kapala yang biking torang ini jadi lengkap. Jadi, Yesus Kristus itu suda yang kase apa yang Dia punya pa Dia pe jemaat. Kong Dia me yang berkuasa pa samua-samua yang ada di mana saja.

Kolose 2:3

Barang, cuma deng percaya pa Yesus Kristus saja, torang bole dapa dua hal yang penting ini: torang bole tau banya hal, deng torang bole tau mana yang bae yang torang musti biking.

Kolose 3:11

Ngoni yang so percaya, ngoni pe hidup so beruba jadi baru, jadi tara penting kalu ngoni itu orang Yahudi ka, bukang Yahudi ka, ngoni so sunat ka, tarada ka, atau biar ngoni orang luar ka, orang yang cuma tinggal di utang ka, atau ngoni orang karja yang orang so bili ka, tarada ka, itu tara penting. Tapi yang paling penting itu percaya pa Yesus Kristus. Dia itu ada sama-sama deng torang samua yang percaya pa Dia.

Efesus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia so kase sagala berkat rohani dari sorga pa torang, karna torang so percaya pa Yesus Kristus.

Yohanes 3:34

Barang, Dia yang Tuhan Allah utus, Dia itu yang kase tau Tuhan Allah pe kata-kata, karna Tuhan Allah kase Dia pe Roh pa Dia tara abis-abis.

Efesus 4:10

Dia yang so perna turung, Dia itu suda Yesus Kristus. Dia me yang so perna nae di tampa yang tinggi di sorga, supaya Dia bole berkuasa pa samua-samua yang ada.

Lukas 10:21

Waktu itu suda, Roh Kudus kuasai pa Yesus kong biking Dia pe hati sanang. Kong Dia bilang, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau samua itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti. Ya Bapa, itu suda yang biking Bapa pe hati sanang.

Efesus 1:5

Tuhan Allah sayang pa torang, kong karna itu, dari dulu Dia so ada rencana untuk kase jadi torang Dia pe ana-ana. Torang jadi Dia pe ana-ana itu karna apa yang Yesus Kristus biking, kong memang itu suda yang Tuhan Allah ingin biking.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.