Kisah Para Rasul 8:5 - Perjanjian Baru Bahasa Melayu Maluku Utara

⁵ Ada orang percaya satu, dia pe nama Filipus. Dia pigi di kota satu di daera Samaria. Kong dia kase tau pa orang-orang di situ, Yesus itu Mesias suda, Raja yang Tuhan Allah janji mo kase slamat pa manusia.

Kisah Para Rasul 8:5 Referans Kwoze

Kisah Para Rasul 6:5

Samua orang percaya di situ, dong tarima bae usul itu. Jadi dorang pili tuju orang ini: Stefanus (yang butul-butul percaya pa Tuhan Yesus deng yang Roh Kudus kuasai), deng Filipus, Prokhorus, Nikanor, Timon, Parmenas, deng Nikolaus. (Nikolaus ini dari Antiokhia. Dia bukang orang Yahudi asli, tapi so maso agama Yahudi, kong so percaya pa Tuhan Yesus.)

Kisah Para Rasul 21:8

Dia pe beso, torang kase tinggal tampa itu kong bajalang kaki pigi di kota Kaisarea. Di situ torang tinggal di Filipus pe ruma. Dia itu orang yang jaga kase tau Kabar Bae pa orang-orang yang bolong dengar Kabar Bae itu, deng dia me satu dari tuju orang yang tapili di Yerusalem untuk kase bage-bage makanang pa janda-janda yang miskin.

Kisah Para Rasul 8:40

Ternyata, Filipus so ada di kampong satu yang pe nama Asdod. Dia bajalang dari Asdod kong kase tau Kabar Bae tentang Yesus Kristus pa orang-orang di samua kota, sampe di Kaisarea.

1 Korintus 3:11

Karna tarada jalang laeng untuk torang bisa jadi Tuhan Allah pe umat, cuma deng percaya pa Yesus Kristus saja. Karna itu, torang bisa bilang, Yesus Kristus itu sama deng ruma pe fandasi, tarada fandasi yang laeng.

1 Korintus 1:23

Tapi torang, torang kase tau Kabar Bae tentang Yesus Kristus yang mati di kayu salib supaya orang dapa slamat dari dosa. Kabar Bae itu biking orang-orang Yahudi rasa tersinggung, sama deng batu yang biking dong pe kaki tagate. Turus, orang yang bukang Yahudi rasa Kabar Bae itu tarada guna, kata, itu cuma orang bodo pe carita.

Kisah Para Rasul 5:42

Tiap hari dorang mangajar di Ruma Ibada Pusat pe kompleks deng di orang-orang pe ruma. Dorang kase tau Kabar Bae tentang Yesus itu Mesias suda, Raja yang Tuhan Allah janji mo kase slamat pa manusia.

1 Korintus 2:2

Barang waktu itu, kita so ambe keputusan bagini: selama kita ada sama-sama deng ngoni, yang paling penting yang kita mo bicara pa ngoni itu tentang Yesus Kristus, bukang mo pusing deng hal-hal laeng. Kita cuma mo bicara pa ngoni tentang Dia yang so mati di kayu salib untuk kase slamat pa manusia.

Kisah Para Rasul 9:20

Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 8:6

Waktu orang banya itu dengar apa yang Filipus bilang, deng lia mujizat-mujizat yang Filipus biking yang kase tunju Tuhan Allah pe kuasa, dorang samua perhatikan bae-bae yang Filipus bilang itu.

Kisah Para Rasul 8:26

Satu kali bagini, Tuhan pe malaekat suru pa Filipus, “Filipus, ngana pigi suda di daera selatan. Ngana iko jalang yang baturung-turung dari kota Yerusalem pigi di kota Gaza.” Jalang itu sunyi.

Kisah Para Rasul 8:30

Filipus langsung ka sana di kereta kuda itu, kong dia dengar pejabat itu sementara baca kitab nabi Yesaya. Turus Filipus tanya pa dia, “Bapa mangarti yang bapa baca itu?”