Kisah Para Rasul 4:2 - Perjanjian Baru Bahasa Melayu Maluku Utara

² Orang-orang itu mara skali pa Petrus deng Yohanes, barang dorang dua kase ajar pa orang banya, Yesus so hidup ulang, deng orang yang so mati pasti mo hidup ulang.

Kisah Para Rasul 4:2 Referans Kwoze

Kisah Para Rasul 17:18

Di kota Atena ada dua kelompok jago bapikir yang tara percaya Tuhan Allah, satu kelompok iko Epikuros pe ajaran deng satu kelompok lagi iko Stoa pe ajaran. Paulus kase tau pa dorang Kabar Bae tentang Yesus Kristus, lebe kusus lagi tentang Yesus Kristus mati tapi hidup ulang. Karna dorang dengar Paulus bilang Yesus hidup ulang, babarapa dari dorang itu bilang bagini, “Orang ini banya bicara, tapi apa yang dia bilang itu paling tara maso akal.” Tapi yang laeng lagi bilang, “Orang ini so kase tau pa torang tentang dia pe puji-puji yang torang tara kanal.”

Roma 8:11

Tuhan Allah pe Roh so kase hidup ulang pa Kristus Yesus, kong Roh itu suda yang ada di ngoni pe hati. Jadi biar ngoni pe badan mo mati, tapi Tuhan Allah nanti mo kase hidup ulang pa ngoni pake kuasa dari Dia pe Roh yang ada pa ngoni itu.

Kisah Para Rasul 13:45

Tapi waktu orang-orang Yahudi lia orang banya itu, dorang jadi mangiri pa Paulus deng Barnabas. Kong dorang mulai bahina deng malawang samua yang Paulus jaga bilang.

1 Korintus 15:23

Tapi samua yang akan hidup ulang itu iko dia pe giliran: yang kakamuka hidup ulang itu, Yesus Kristus. Kong nanti waktu Yesus Kristus datang ulang di dunia ini, orang-orang yang percaya pa Dia me mo hidup ulang.

Kisah Para Rasul 26:23

Dorang so kase tau tentang Mesias, Raja yang Tuhan Allah janji mo kase slamat pa manusia. Dorang bilang, Dia musti tanggung siksa banya kong mati, tapi Dia itu yang pertama akan hidup ulang supaya Dia bole kase tau Kabar Bae pa orang Yahudi deng pa orang yang bukang Yahudi la dorang bisa dapa slamat. Itu sama deng Dia kase tarang di dorang pe hati.”

Kisah Para Rasul 26:8

Jadi, skarang kita mo batanya pa orang-orang Yahudi yang ada di sini, bikiapa kong ngoni anggap, tara mungkin Tuhan Allah kase hidup ulang pa orang yang so mati?

Kisah Para Rasul 24:21

Atau mangkali dorang anggap kita sala, barang waktu kita ada di dorang pe muka, kita bilang deng suara yang kuat bagini, ‘Kita dapa urus skarang, barang kita yakin, Tuhan Allah mo kase hidup ulang pa orang-orang yang so mati.’ ”

Kisah Para Rasul 19:23

Waktu itu, ada kaco basar di kota Efesus, barang ada orang-orang yang tara suka deng ajaran tentang Yesus.

Kisah Para Rasul 5:17

Waktu itu, agama Yahudi pe imam basar deng samua orang agama Yahudi dari aliran Saduki yang ada deng dia, dorang mangiri karna apa yang rasul-rasul biking.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.