Kisah Para Rasul 10:5 - Perjanjian Baru Bahasa Melayu Maluku Utara

⁵ Skarang, ngana suru suda babarapa orang pigi di Yope supaya dorang ka sana ambe pa Simon, yang orang biasa pangge pa dia Petrus.

Kisah Para Rasul 10:5 Referans Kwoze

Kisah Para Rasul 16:9

Dia pe malam itu, Paulus dapa penglihatan satu dari Tuhan Allah. Dia lia, ada satu orang dari daera Makedonia sementara badiri minta tolong pa dia. Orang itu bilang, “Datang kamari ka, la tolong pa torang orang Makedonia.”

Kisah Para Rasul 15:7

Pe abis dorang bicara lama tentang masala itu, Petrus badiri kong bilang pa dorang, “Ee sudara-sudara, ngoni tau babarapa taong lalu, Tuhan Allah so pili pa kita dari antara torang ini la kita mo kase tau Kabar Bae tentang Yesus Kristus pa orang-orang bukang Yahudi, supaya dorang me bole jadi percaya.

Kisah Para Rasul 10:32

Jadi, ngana suru suda orang pigi di Yope la ambe pa Simon yang orang jaga pangge pa dia Petrus. Dia ada tinggal di satu orang pe ruma, orang itu me nama Simon. Dia pe ruma di pinggir pante. Dia pe karja jaga biking bersi binatang pe kuli.’

Kisah Para Rasul 9:38

Orang-orang yang percaya pa Yesus di kota Yope itu dapa dengar Petrus ada di kampong Lida yang tara talalu jao dari situ. Jadi dorang suru dua orang pigi ka sana kong bilang pa Petrus, “Bapa, tolong capat-capat datang di Yope ka!”

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

Yohanes 1:42

Turus, Andreas antar dia pe sudara pigi pa Yesus. Waktu Yesus lia bae-bae pa Simon, Yesus bilang pa dia, “Ngana ini Simon, Yohanes pe ana laki-laki. Tapi mulai skarang, ngana pe nama Kefas.” (Kefas deng Petrus pe arti sama saja, batu).

Markus 3:16

Dua blas orang yang Yesus pili itu dorang pe nama: Simon (yang Dia kase nama Petrus),

Kisah Para Rasul 9:42

Kejadian itu tasiar di samua tampa di kota Yope, sampe banya orang jadi percaya pa Tuhan Yesus.

Kisah Para Rasul 9:43

Abis itu, Petrus tinggal sadiki lama pa Simon pe ruma di Yope. Simon pe karja jaga biking barang-barang dari binatang pe kuli.

Kisah Para Rasul 10:18

Turus dorang pangge orang yang ada di situ kong tanya, “Torang ada cari satu orang, dia pe nama Simon yang orang jaga pangge pa dia Petrus. Dia tinggal di sini?”