Ibrani 5:12 - Perjanjian Baru Bahasa Melayu Maluku Utara

¹² Ngoni so lama percaya pa Yesus Kristus, jadi sebenarnya ngoni ini yang musti ajar pa orang laeng. Tapi ternyata skarang ini, ngoni masi perlu lagi mo dapa ajar tentang ajaran-ajaran dasar dari Tuhan Allah pe firman. Ngoni masi sama deng ana-ana kacil yang cuma bisa minum susu, bolong bisa makang makanang karas.

Ibrani 5:12 Referans Kwoze

Ibrani 6:1

Jadi, jang torang cuma ulang-ulang balajar ajaran-ajaran dasar yang tong tarima waktu tong baru jadi percaya pa Yesus Kristus. Tapi, torang yang so lama percaya musti balajar ajaran yang biking torang pe percaya pa Yesus Kristus lebe tamba kuat. Torang tara usa ulang-ulang balajar ajaran dasar macam ini: ajaran tentang bertobat dari torang pe kalakuang yang tarada dia pe guna, ajaran tentang musti percaya pa Tuhan Allah,

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.

Ibrani 5:13

Barang, orang yang cuma dapa ajar ajaran dasar saja, yang bolong tau mana yang sala deng mana yang butul, dorang itu macam deng ana kacil yang memang cuma bole minum susu.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Matius 17:17

Pe dengar bagitu, Yesus bilang, “Bukang maeng ngoni orang-orang skarang ini yang tara percaya deng yang sesat! Barapa lama lagi Kita musti tinggal sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.

1 Korintus 14:19

Tapi biar bagitu, waktu tong bakumpul baibada, kita lebe suka bicara cuma lima kata saja asal orang mangarti, daripada kita bicara deng ribu kata pake bahasa roh, kong orang di situ tara mangarti.

Roma 3:2

Yang pasti, banya skali dia pe untung. Yang paling penting itu, torang orang Yahudi yang kakamuka Tuhan Allah pili untuk tarima deng jaga Dia pe firman.

Kisah Para Rasul 7:38

Musa ini suda yang ada bajalang sama-sama deng torang pe orang tua dulu-dulu di padang gurun. Waktu di gunung Sinai, ada malaekat yang bicara deng dia, kong dia yang kase sampe malaekat pe bicara itu pa torang pe orang tua dulu-dulu. Dia kase tau pa dorang, Tuhan Allah pe firman yang bisa biking sampe torang hidup deng Tuhan Allah slama-lamanya.

Markus 9:19

Kong Yesus bilang pa dorang bagini, “Bukang maeng ngoni orang-orang skarang ini yang tara percaya! Barapa lama lagi Kita musti sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Filipi 3:1

Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

Galatia 4:3

Bagitu lagi deng torang manusia. Waktu Tuhan Yesus bolong datang kase slamat pa torang, torang itu masi jaga iko aturan-aturan di dunia ini, macam deng ana kacil iko-iko dia pe orang tua pe parenta.

Ibrani 5:11

Sudara-sudara, masi ada banya hal yang perlu tong kase tau pa ngoni tentang Yesus Kristus yang jadi torang pe Imam Basar, cuma ngoni ini pamalas dengar ajaran yang lebe dalam itu, jadi susa skali mo biking ngoni mangarti.

Ibrani 10:32

Coba ngoni inga waktu ngoni baru tarima Kabar Bae tentang Yesus Kristus deng jadi percaya pa Dia. Waktu itu, ngoni banya menderita karna ngoni pe percaya, tapi biar bagitu, ngoni tetap pegang kuat ngoni pe percaya.