Ibrani 3:7 - Perjanjian Baru Bahasa Melayu Maluku Utara

⁷ Jadi karna itu, dengar apa yang Roh Kudus bilang, “Hari ini, kalu ngoni dengar Tuhan Allah pe suara,

Ibrani 3:7 Referans Kwoze

Ibrani 3:15

Itu sama deng yang tatulis di Kitab Suci bagini, “Hari ini, kalu ngoni dengar Tuhan Allah pe suara, jang ngoni kapala batu, macam deng ngoni pe orang tua dulu-dulu biking, waktu dorang malawang pa Tuhan Allah.”

Wahyu 3:20

Dengar bae-bae! Kita so badiri di ngoni pe muka pintu deng Kita so pangge-pangge mo maso. Kalu ada orang yang dengar Kita pe suara, kong buka pintu, nanti Kita akan maso kong tong makang sama-sama.

Ibrani 4:7

Barang, Tuhan Allah so tentukan hari laeng lagi, supaya manusia bole baistrahat sama-sama deng Dia. Hari yang Dia so tentukan itu, yang torang bilang “Hari ini” suda. Barang, deng ratus-ratus taong abis nabi Musa itu, Tuhan Allah biking raja Daud bicara pa Tuhan Allah pe umat tentang hari itu bagini, “Hari ini, kalu ngoni dengar Tuhan Allah pe suara, jang ngoni bakapala batu.”

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Ibrani 3:13

Tapi ngoni, tiap hari, selama masi ada kesempatan yang torang bilang “hari ini”, ngoni musti baku kase kuat ngoni pe hati untuk tamba percaya pa Yesus, supaya tara ada satu dari ngoni yang dapa tipu kong biking dosa sampe jadi tara dengar-dengaran lagi pa Tuhan Allah.

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Yohanes 10:3

Kalu gembala itu mo maso di kandang, orang yang jaga pintu kandang akan buka pintu pa dia. Turus, gembala itu pangge pa dia pe domba-domba, iko dong pe nama masing-masing, kong bawa pa dorang kaluar dari kandang itu. Domba-domba itu iko pa dorang pe gembala, barang dong kanal gembala itu pe suara.

Yohanes 5:25

Dengar bae-bae yang Kita mo bilang ini. Nanti ada dia pe waktu, mala skarang suda dia pe waktu, orang-orang mati mo dengar Anak Allah pe suara kong jadi percaya, sampe dorang itu akan hidup deng Tuhan Allah slama-lamanya.

Yohanes 10:16

Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

2 Petrus 1:21

Karna samua yang nabi-nabi kase tau itu me, tara perna iko manusia pe mau. Tapi Roh Kudus yang kuasai pa nabi-nabi itu yang biking sampe dorang bisa kase tau Tuhan Allah pe pasáng.

Ibrani 9:8

Kong deng aturan-aturan itu, Roh Kudus biking tong mangarti, bolong ada jalang la tong badekat pa Tuhan Allah selama masi ada ruang yang pertama deng dia pe pampele itu.

Matius 22:43

Kong Yesus bilang pa dorang, “Kalu bagitu, bikiapa kong dulu waktu Roh Kudus kuasai pa raja Daud, raja Daud pangge pa Mesias itu Tuhan? Waktu itu, raja Daud bilang bagini,

Kisah Para Rasul 28:25

Jadi, dorang mulai baku malawang sampe ada yang mau kaluar dari Paulus pe tampa tinggal. Kong sebelum dorang kaluar, Paulus bilang lagi bagini, “Butul suda yang Roh Kudus kase tau pa torang pe orang tua dulu-dulu, itu so tatulis di kitab nabi Yesaya bagini,

Markus 12:36

Padahal waktu Roh Kudus kuasai pa raja Daud, raja Daud kase tau, Tuhan Allah ada bilang pa kita pe Tuhan bagini, ‘Dudu suda di tampa yang terhormat, pa Kita pe sabla kanan, sampe Kita kase kala Ngana pe musu-musu samua.’

Kisah Para Rasul 1:16

“Sudara-sudara, dulu Roh Kudus so bilang pa raja Daud apa yang mo jadi pa Yudas. Itu so ada di Kitab Suci, kong memang musti jadi. Yudas itu yang so bawa orang-orang pigi tangka pa Yesus.

Kisah Para Rasul 8:29

Kong Roh Kudus bilang pa Filipus, “Ngana badekat suda ka sana di kereta itu!”

Ibrani 10:15

Kong Roh Kudus me kase tau yang sama tentang itu pa torang, bagini: