Ibrani 11:8 - Perjanjian Baru Bahasa Melayu Maluku Utara

⁸ Bagitu lagi deng Abraham. Karna Abraham percaya pa Tuhan Allah, dia iko Tuhan Allah pe parenta kong pigi jao di tana yang Tuhan Allah so janji mo kase pa dia. Biar dia bolong tau mo pigi ka mana, dia iko saja Tuhan Allah pe parenta itu.

Ibrani 11:8 Referans Kwoze

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

Roma 10:16

Tapi tara samua orang yang dengar Kabar Bae itu jadi percaya. Barang, nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau to?”

1 Petrus 4:17

Barang, skarang so dekat dia pe waktu untuk Tuhan Allah mo adili pa samua orang, kong yang kakamuka Dia mo adili itu Dia pe umat sandiri. Jadi kalu Tuhan Allah mo adili pa torang kamuka, bagimana nanti yang mo jadi deng orang-orang yang tara percaya Kabar Bae dari Tuhan Allah?

Ibrani 11:33

Dorang samua itu percaya pa Tuhan Allah, sampe ada dari dorang yang kase kala kerajaan-kerajaan, ada yang bapimpin deng adil, ada yang tarima apa yang Tuhan Allah janji pa dorang, deng ada lagi yang tutu singa-singa pe mulu.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

1 Petrus 3:1

Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

2 Korintus 10:5

Kong deng kuasa dari Tuhan Allah itu, torang mampo lawan samua pikiran yang tara butul dari orang yang malawang Tuhan Yesus pe ajaran. Biar dorang itu pake alasan iko manusia pe pande, torang mampo kase kala samua dorang pe pikiran yang sombong yang biking orang tara percaya, sampe orang bisa butul-butul dengar-dengaran pa Yesus Kristus.

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Matius 2:21

Pe dengar itu, Yusuf bangun kong bawa Anak itu deng Dia pe mama pulang di tana Israel.