Ibrani 10:4 - Perjanjian Baru Bahasa Melayu Maluku Utara

⁴ Barang, tara mungkin binatang macam deng sapi laki-laki atau kambing laki-laki pe dara, bisa hapus manusia pe dosa-dosa.

Ibrani 10:4 Referans Kwoze

Ibrani 10:11

Tiap-tiap hari, samua imam agama Yahudi biking dong pe tugas. Ulang-ulang dorang bakar binatang korban persembahan pa Tuhan Allah untuk hapus dosa, tapi korban persembahan itu sama skali tara bisa hapus manusia pe dosa.

1 Yohanes 3:5

Ngoni tau, Yesus datang di dunia ini untuk hapus torang pe dosa-dosa. Deng ngoni me tau, Dia itu tarada dosa.

Roma 11:27

Tuhan Allah ada bilang lagi, “Ini Kita pe janji pa dorang: Kita mo kase ampun dorang pe dosa-dosa.”

Ibrani 10:8

Jadi, yang kamuka yang Yesus Kristus bilang itu, “Tuhan Allah tara mau deng tara sanang deng binatang korban persembahan deng persembahan-persembahan laeng, termasuk binatang korban persembahan yang dong bakar untuk hapus dosa.” Padahal, persembahan-persembahan itu, orang bakase karna iko aturan-aturan di lima kitab Musa.

Ibrani 9:9

Ini jadi ajaran untuk torang skarang, samua binatang korban persembahan deng persembahan laeng yang imam kase pa Tuhan Allah tara bisa biking manusia pe hati jadi bersi dari dosa-dosa.

Yohanes 1:29

Dia pe beso, Yohanes lia Yesus sementara datang pa dia. Kong Yohanes bilang pa orang-orang yang ada di situ, “Coba ngoni lia, Dia yang datang kamari itu Tuhan Allah mo kase jadi korban, sama deng domba pe ana yang torang orang Israel biasa kase korban untuk hapus dosa.

Markus 12:33

Torang musti butul-butul sayang pa Tuhan Allah, torang pe Tuhan. Torang musti sayang pa Dia deng cara salalu inga pa Dia, deng kase torang pe tenaga untuk biking Dia pe mau. Deng, torang lagi musti sayang pa orang laeng sama deng torang sayang torang pe diri sandiri. Samua itu lebe penting dari samua binatang korban persembahan deng persembahan yang laeng.”

Ibrani 10:1

Cara semba pa Tuhan Allah iko aturan-aturan di lima kitab Musa, itu bole kase sama deng bayangan yang tara sama deng dia pe asli. Dia pe asli itu cara semba yang butul pa Tuhan Allah karna Yesus Kristus so datang. Kalu iko aturan-aturan itu, orang yang mo semba pa Tuhan Allah musti kase binatang korban persembahan turus-turus tiap taong. Tapi biar dong kase binatang korban persembahan turus-turus tiap taong, itu tara biking dong jadi sempurna pa Tuhan Allah pe muka.