Filipi 4:6 - Perjanjian Baru Bahasa Melayu Maluku Utara

⁶ Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

Filipi 4:6 Referans Kwoze

1 Petrus 5:7

Serakan suda samua ngoni pe rasa hawater pa Dia, karna Dia yang jaga deng sayang pa ngoni.

Matius 6:8

Jadi jang ngoni sama deng dorang. Barang, biar ngoni bolong minta me, ngoni pe Bapa so tau apa yang ngoni perlu.

Kolose 4:2

Sudara-sudara, ngoni musti berdoa turus-turus. Kong waktu ngoni mo berdoa, ngoni musti perhatikan bae-bae apa yang ngoni mo bilang dalam doa itu, deng bilang tarimakasi banya pa Tuhan Allah.

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

Kolose 3:17

Kong samua yang ngoni biking deng ngoni bilang, ngoni biking suda samua itu deng bae-bae, karna ngoni Tuhan Yesus pe wakil di dunia. Kong ngoni lagi musti salalu bilang tarimakasi banya pa Tuhan Allah, torang pe Bapa karna apa yang Tuhan Yesus so biking.

Lukas 18:1

Abis itu, Yesus bilang umpama satu pa Dia pe murit-murit supaya dorang turus-turus berdoa pa Tuhan Allah deng jang dong ilang smangat untuk minta tolong pa Dia.

Lukas 12:22

Turus, Yesus bilang pa Dia pe murit-murit bagini, “Karna itu, Kita bilang pa ngoni: tara usa ngoni hawater deng ngoni pe hidup, apa yang ngoni mo makang. Ngoni me tara usa hawater deng ngoni pe badan, apa yang ngoni mo pake.

Kolose 3:15

Biar suda Yesus Kristus biking ngoni pe hati tetap tenang, karna Tuhan Allah so pangge pa ngoni untuk hidup baku bawa bae-bae satu deng yang laeng, sama deng ngoni jadi Yesus Kristus pe badan yang taika satu deng yang laeng. Kong ngoni lagi musti salalu bilang tarimakasi banya pa Tuhan Allah.

Efesus 5:20

Kong dalam sagala hal, ngoni musti salalu bilang tarimakasi banya pa Tuhan Allah torang pe Bapa, karna samua yang torang pe Tuhan Yesus Kristus so biking.

Lukas 10:41

Tapi Tuhan Yesus jawab pa Marta bagini, “Marta! Marta! Ngana cuma hawater deng kase sibuk diri sandiri deng banya hal tu!

Lukas 18:7

Kalu orang tara adil macam itu mo tolong janda itu, lebe-lebe lagi Tuhan Allah pasti mo tolong pa Dia pe umat yang Dia pili, yang siang malam minta tolong turus-turus pa Dia. Tara mungkin Dia mo tunda-tunda turus untuk tolong pa dorang.

Matius 10:19

Kalu dorang bawa pa ngoni kong serakan pa ngoni untuk dapa adili, jang ngoni tako apa yang ngoni musti bilang. Nanti di waktu itu suda, Tuhan Allah akan kase pa ngoni apa yang ngoni mo bilang pa dorang.

Lukas 12:29

Jadi, tara usa suda ngoni hawater deng pikir-pikir tentang apa yang ngoni mo makang atau apa yang ngoni mo minum.

2 Korintus 1:11

Kong ngoni me musti kase berdoa pa torang turus-turus, karna deng ngoni pe doa itu, nanti ada banya orang yang bilang tarimakasi pa Tuhan Allah karna Dia kase Dia pe bae pa torang, deng karna Dia so dengar ngoni samua pe doa itu untuk torang.

1 Korintus 7:32

Kita mau supaya jang ngoni talalu bapikir tentang samua yang ada di dunia ini sampe so tara layani pa Tuhan bae-bae. Laki-laki yang tara kawing, dia pe perhatian ada lebe banya untuk Tuhan, bagimana supaya dia kase sanang Tuhan pe hati.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

1 Korintus 7:21

Dia pe conto laeng lagi bagini: ngoni orang karja yang ngoni pe tuang so bili pa ngoni, kalu Tuhan pangge pa ngoni untuk jadi percaya pa Dia, tara usa pusing suda deng ngoni pe keadaan itu. Tapi, kalu ada kesempatan untuk urus bebas la jang jadi ngoni pe tuang punya lagi, pake suda kesempatan itu.

Matius 6:34

Jadi, ngoni tara usa hawater apa yang mo jadi beso, karna beso ada dia pe susa sandiri. Cukup suda susa yang ngoni so rasa hari ini, tara usa lagi bapikir hari beso pe susa.”

1 Timotius 2:1

Timotius, kita bilang pa ngana, yang paling penting, torang berdoa pa Tuhan Allah. Torang minta apa yang torang perlu, torang minta untuk orang laeng lagi, deng torang bilang tarimakasi pa Dia untuk samua yang Dia so biking.

1 Timotius 5:5

Kalu janda yang so tarada sapa-sapa yang mo urus pa dia, dia pe tampa baharap cuma pa Tuhan Allah. Siang deng malam dia berdoa minta tolong pa Tuhan Allah.