Filipi 3:17 - Perjanjian Baru Bahasa Melayu Maluku Utara

¹⁷ Sudara-sudara, kita minta pa ngoni supaya ngoni iko kita pe cara hidup. Kong perhatikan lagi orang-orang yang pe cara hidup sama deng torang tiga pe cara hidup, la ngoni lagi bole iko bagitu.

Filipi 3:17 Referans Kwoze

Filipi 4:9

Kong samua yang ngoni so balajar dari kita, yang ngoni so dengar deng tarima dari kita, deng yang ngoni so lia kita biking, ngoni biking suda samua itu. Kong Tuhan Allah yang biking orang pe hati tetap tenang, Dia yang mo sama-sama deng ngoni turus.

1 Korintus 4:16

Karna itu, kita minta deng sunggu-sunggu pa ngoni, iko suda kita pe cara hidup.

1 Petrus 5:3

Kong jang maeng parenta sabarang pa dorang yang Tuhan Allah so kase ngoni jaga, tapi lebe bae ngoni pe kalakuang musti bagus la jadi conto pa orang laeng.

2 Tesalonika 3:9

Torang biking itu bukang karna torang tarada hak untuk jemaat bantu pa torang. Tapi torang tara mau pake hak itu. Torang karja karas bagitu, karna torang suka jadi conto untuk ngoni, supaya ngoni bole iko.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

2 Tesalonika 3:7

Barang, ngoni sandiri tau, ngoni musti ambe conto torang pe cara hidup deng iko apa yang torang jaga biking. Karna waktu torang sama-sama deng ngoni, torang tara perna pamalas mancari.

1 Korintus 10:32

Jang ngoni biking apa-apa yang biking sampe orang laeng tara jadi iko pa Tuhan, biar dia itu orang Yahudi ka, orang bukang Yahudi ka, atau biar lagi dia itu dari Tuhan Allah pe jemaat.

2 Tesalonika 3:14

Kalu ada orang yang tara mau iko yang torang tulis di surat ini, ngoni musti ati-ati deng jang batamang deng dia, supaya dia jadi malu.

1 Tesalonika 1:6

Turus, torang pe cara hidup itu ngoni iko. Conto itu dari Tuhan sandiri. Biar ada orang yang siksa pa ngoni, Roh Kudus bantu pa ngoni sampe ngoni tetap tarima Kabar Bae deng sanang.

Roma 16:17

Sudara-sudara, kita minta deng butul-butul pa ngoni, ati-ati pa orang yang jaga kase ajaran yang baku beda deng yang torang so ajar pa ngoni. Ati-ati karna dorang suka biking ngoni jadi tapisa-pisa deng biking ngoni jadi ragu-ragu deng ajaran yang torang so kase ajar pa ngoni. Jadi jang badekat pa dorang itu!

1 Korintus 11:1

Ngoni iko suda kita pe cara hidup, sama deng kita lagi iko Yesus Kristus pe cara hidup.