Filemon 1:24 - Perjanjian Baru Bahasa Melayu Maluku Utara

²⁴ Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

Filemon 1:24 Referans Kwoze

Kolose 4:14

Dokter Lukas yang torang sayang ada kirim salam pa ngoni. Bagitu lagi deng Demas, dia lagi ada kirim salam pa ngoni.

Kolose 4:10

Aristarkhus yang dapa penjara sama-sama deng kita di sini, ada kirim salam pa ngoni. Markus lagi yang Barnabas pe sudara sepupu itu, ada kirim salam pa ngoni. Tuhari kita so pasáng pa ngoni, jadi kalu Markus datang, ngoni tarima pa dia bae-bae.

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 12:12

Abis Petrus pikir itu sadiki, dia pigi pa Maria pe ruma. Maria itu Yohanes pe mama, kong Yohanes itu yang orang jaga pangge Markus. Di Maria pa ruma itu, banya orang percaya ada bakumpul la berdoa.

Kisah Para Rasul 27:2

Torang samua nae kapal yang baru datang dari kota Adramitium. Kapal itu mo basingga-singga di pelabuhan-pelabuhan di daera Asia Kecil. Ada satu orang lagi yang iko pa torang, dia pe nama Aristarkhus. Dia orang Makedonia dari kota Tesalonika. Torang samua balayar dari kota Kaisarea.

Kisah Para Rasul 12:25

Waktu Barnabas deng Saulus so abis bawa sumbangan di Yerusalem, dorang bale ulang di kota Antiokhia. Dorang ada bawa satu orang yang pe nama Yohanes, yang orang jaga pangge Markus.

3 Yohanes 1:8

Jadi torang musti tarima deng bantu sudara-sudara yang percaya itu, deng bagitu torang samua so ambe bagian dalam dong pe karja untuk kase ajar Tuhan pe ajaran.

Filipi 4:3

Pa Sunsugos lagi, kita pe tamang karja yang setia, kita minta supaya ngana bantu pa dong dua itu, supaya dong bisa baku bae ulang. Dorang dua itu so berusaha karas sama-sama deng kita. Torang tiga jaga kase tau Kabar Bae tentang Yesus Kristus pa orang-orang. Bagitu lagi deng Klemens deng torang pe tamang-tamang laeng yang so karja sama-sama deng kita untuk kase tau Kabar Bae itu. Dorang samua pe nama-nama so tatulis di buku kehidupan.

Filipi 2:25

Turus tentang Epafroditus, torang pe sudara satu yang sama-sama percaya, kita rasa lebe bae kita suru dia pulang ulang pa ngoni. Dulu, dia yang perna ngoni kase tugas untuk bantu kita pe karja di sini, kong dia so berusaha karas sama-sama deng kita.

2 Korintus 8:23

Kong tentang Titus, dia itu kita pe tamang yang bakarja sama-sama deng kita untuk bantu pa ngoni. Kong dua sudara yang percaya yang sama-sama deng Titus, dorang dua itu dapa utus dari jemaat-jemaat untuk antar doi sumbangan di Yerusalem. Apa yang dorang dua biking itu, biking Yesus Kristus dapa puji deng hormat.

Kisah Para Rasul 13:13

Paulus deng dia pe tamang-tamang balayar dari kota Pafos di pulo Siprus, pigi di kota Perga pe sabla di daera Pamfilia. Di situ, Yohanes kase tinggal pa dorang kong pulang di Yerusalem.

1 Petrus 5:13

Jemaat yang ada di kota Babel di sini, dorang kirim salam pa ngoni. Dorang me Tuhan Allah pili sama deng Dia so pili pa ngoni jadi Dia pe umat. Kong Markus yang kita so anggap kita pe ana sandiri, dia me kirim salam pa ngoni.