Efesus 6:1 - Perjanjian Baru Bahasa Melayu Maluku Utara

¹ Ngoni ana-ana yang so percaya pa Tuhan, ngoni musti dengar-dengaran pa ngoni pe orang tua, karna itu yang pantas ngoni biking.

Efesus 6:1 Referans Kwoze

1 Timotius 5:4

Tapi kalu janda yang ada ana atau cucu, ana deng cucu itu yang musti urus pa dia. Dorang musti balajar la balas dorang pe orang tua pe bae pa dorang. Deng biking bagitu, dorang so biking sanang Tuhan Allah pe hati.

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Roma 7:12

Jadi, aturan-aturan di lima kitab Musa itu suci, kong samua parenta yang ada di aturan-aturan itu me butul deng bagus. Samua aturan itu dari Tuhan Allah.

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

1 Petrus 2:13

Ngoni so iko pa Tuhan, jadi ngoni musti dengar-dengaran pa samua orang yang berkuasa di dunia ini. Ngoni musti dengar-dengaran pa raja basar Roma yang pe kuasa paling tinggi,

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

Roma 16:2

Nanti waktu dia pigi pa ngoni, kita minta supaya ngoni tarima pa dia deng bae-bae, barang dia so percaya pa Tuhan sama deng ngoni. Ngoni musti tarima pa dia deng bae-bae karna model bagitu yang orang-orang yang so jadi Tuhan Allah pe umat musti biking. Kong kita minta lagi, kalu dia perlu apa-apa pa ngoni, ngoni kase suda yang dia perlu, karna dia sandiri so kase bantuan pa banya orang deng pa kita lagi.