Efesus 5:3 - Perjanjian Baru Bahasa Melayu Maluku Utara

³ Ngoni itu Tuhan Allah pe umat, jadi jang ngoni baseks sabarang, jang biking hal-hal yang cafarune, deng jang ingin orang pe barang jadi ngoni punya. Samua itu biar cuma sebut saja me jangan, karna itu tara pantas untuk orang-orang yang so jadi Tuhan Allah pe umat.

Efesus 5:3 Referans Kwoze

Kolose 3:5

Jadi, karna Yesus Kristus so ruba ngoni pe hidup jadi baru, ngoni berenti suda iko dunia pe mau, macam deng: baseks sabarang, biking hal-hal yang cafarune, iko napsu yang tara bae, ingin biking barang yang jahat, deng golojo orang pe barang. Karna kalu torang golojo orang pe barang, itu berarti, torang so kase lebe penting barang itu daripada Tuhan.

Efesus 5:5

Ngoni inga suda ini bae-bae: orang yang baseks sabarang, yang biking hal-hal yang cafarune, deng yang ingin orang pe barang jadi dia punya, tara ada yang akan jadi Tuhan Allah deng Yesus Kristus pe umat yang Dia Berkuasa sebagai Raja pa dorang pe hidup, barang dorang lebe kase penting hal-hal itu daripada Tuhan.

1 Tesalonika 4:3

Ini Tuhan Allah pe mau: serakan ngoni pe hidup pa Dia la ngoni hidup deng hati bersi. Jang ngoni baseks sabarang.

1 Korintus 6:18

Jadi, ngoni inga e, jang coba-coba ngoni baseks sabarang! Barang, dosa laeng yang orang jaga biking, itu tara ada dia pe akibat pa dia pe badan. Tapi kalu baseks sabarang, dosa itu biking rusak dia pe diri sandiri.

1 Tesalonika 4:7

Barang, Tuhan Allah so pangge pa torang jadi Dia pe umat untuk hidup deng hati bersi, bukang untuk mo biking hal-hal yang tara bae iko ngoni pe napsu.

1 Korintus 6:13

Ada lagi yang bilang bagini, “Makanang ada dia pe guna untuk tong pe puru, kong tong pe puru Tuhan Allah biking untuk perlu makanang.” Tapi nanti waktu kiamat, dua-dua itu Tuhan Allah akan kase ancor. Tapi biar Tuhan Allah mo kase ancor, torang tara bole pake tong pe badan untuk baseks sabarang. Torang musti pake tong pe badan ini untuk biking Tuhan pe mau, kong Tuhan lagi yang akan jaga tong pe badan.

Efesus 5:12

Barang, apa yang dorang biking deng sambunyi-sambunyi itu, tara bae skali, sampe biar cuma sebut saja me torang so rasa malu.

Matius 15:19

Barang, dari manusia pe dalam hati, timbul samua yang jahat: pikiran yang jahat, bunu orang, baku suka deng orang yang bukang dia pe laki atau dia pe bini, baseks sabarang, bapancuri, jadi saksi yang tara butul, deng kase tara bae orang pe nama.

Wahyu 2:21

Kita so kase waktu untuk parampuang itu babarapa kali la dia bertobat, tapi dia tara mau kong dia baseks sabarang turus.

1 Korintus 10:8

Torang me tara bole baseks sabarang, sama deng babarapa orang dari dorang jaga biking. Karna kalakuang itu, sampe dalam satu hari, ada dua pulu tiga ribu orang yang mati.

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Wahyu 2:14

Tapi biar bagitu me, Kita mo bilang pa ngoni, ngoni pe sala bagini: ada babarapa orang dari ngoni yang jaga iko Bileam pe ajaran sesat. Bileam itu yang ajar pa Balak supaya pengaru pa orang Israel la biking dosa. Lebe kusus Bileam ajar pa dorang untuk makang makanang yang so kase pa dong pe puji-puji, deng dong me jaga baseks sabarang.

1 Korintus 5:1

Sudara-sudara, kita dengar ada dari ngoni jemaat yang jaga baku suka deng orang yang bukang dia pe bini. Kong yang dia baku suka itu, dia pe mama tiri sandiri! Yang dia biking itu jahat skali, padahal orang yang tara percaya pa Tuhan Allah me tara biking bagitu.

Wahyu 9:21

Kong dorang me tara mau bertobat dari dong pe kajahatan laeng, macam deng: bunu orang, pake tiop-tiop, baseks sabarang, deng bapancuri.

2 Petrus 2:3

Guru-guru palsu itu gila doi, jadi dorang karang-karang carita la tipu pa ngoni samua, supaya dong dapa doi. Tapi dari dulu, Tuhan Allah so rencana untuk hukum pa dorang. Dorang itu pasti mo mati tapisa dari Tuhan Allah slama-lamanya.

Ibrani 12:16

Ngoni jaga supaya jang ada dari ngoni yang baseks sabarang. Jang lagi ada yang tara hormati pa Tuhan Allah sama deng dulu Esau. Esau itu ada hak untuk dapa janji berkat dari Tuhan Allah, tapi dia pandang enteng janji berkat itu kong jual dia pe hak sebagai ana yang tua, cuma untuk makanang satu piring.

2 Korintus 12:21

Kita hawater, kalu kita datang itu, kita dapa ngoni masi biking dosa sama deng dulu, kong ngoni bolong bertobat. Kalu bagitu, kita jadi malu pa Tuhan Allah pe muka, kong kita mo manangis karna banya dari ngoni yang pe kalakuang masi cafarune, yang baseks sabarang, deng yang masi biking hal-hal yang tara pantas untuk mo biking.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.

2 Timotius 3:2

Hari-hari itu, orang-orang cuma sayang dorang pe diri sandiri, deng dong pe doi. Dorang suka bicara tinggi deng sombong. Dorang suka kase tara bae orang pe nama, malawang pa dong pe orang tua, deng tara tau batarimakasi. Dorang sama skali tara mau iko Tuhan pe mau.

Kisah Para Rasul 15:20

Tapi lebe bae torang tulis surat pa dorang, supaya minta dong iko aturan-aturan ini saja: jang dorang makang makanang yang so kase pa orang pe puji-puji, jang makang daging dari binatang yang mati dapa ramas di leher, deng jang makang dara. Dorang me tara bole baseks sabarang.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

2 Petrus 2:10

Lebe-lebe lagi pa orang-orang yang cuma hidup iko dong pe napsu yang tara bae, deng yang pandang enteng Tuhan Allah pe kuasa yang luar biasa. Guru-guru palsu itu barani skali deng makang puji, sampe dorang tara tako-tako mo bahina pa samua yang berkuasa di sorga.

1 Petrus 5:2

jaga bae-bae pa orang-orang percaya yang Tuhan Allah so kase untuk ngoni jaga, sama deng gembala jaga dia pe domba. Jaga pa dorang deng hati sanang iko Tuhan Allah pe mau. Jang jaga pa dorang cuma karna terpaksa atau karna mau dapa gaji saja. Tapi ngoni jaga pa dorang karna butul-butul ngoni mo tolong pa dorang.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

1 Timotius 3:3

dia tara pangmabo, dia tara pangmara tapi bae-bae, dia suka baku bawa bae deng orang, deng dia tara gila doi.

1 Timotius 2:10

Tapi lebe bae parampuang itu biking bagus dong pe diri deng cara jaga biking apa yang bae. Cara itu yang pantas untuk parampuang yang mangaku percaya pa Tuhan.

Filipi 1:27

Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.

Roma 16:2

Nanti waktu dia pigi pa ngoni, kita minta supaya ngoni tarima pa dia deng bae-bae, barang dia so percaya pa Tuhan sama deng ngoni. Ngoni musti tarima pa dia deng bae-bae karna model bagitu yang orang-orang yang so jadi Tuhan Allah pe umat musti biking. Kong kita minta lagi, kalu dia perlu apa-apa pa ngoni, ngoni kase suda yang dia perlu, karna dia sandiri so kase bantuan pa banya orang deng pa kita lagi.

Roma 6:13

Deng tara bole ngoni kase biar ngoni pe tangan, kaki deng samua-samua yang ada pa ngoni pe badan untuk dosa kuasai supaya biking barang yang jahat. Tapi ngoni kase ngoni pe diri pa Tuhan Allah supaya biking barang yang butul, karna ngoni sama deng orang yang so mati, kong skarang Dia so kase pa ngoni hidup yang baru. Ngoni kase biar suda ngoni pe tangan, kaki, deng samua-samua yang ada di ngoni pe badan untuk Tuhan Allah pake supaya mo biking barang yang butul.

Roma 1:29

Dorang pe hati ponong deng barang yang tara butul deng barang yang jahat. Dorang golojo samua-samua, cuma pikir yang jahat, mangiri, deng jadi tukang bunu. Kong dorang me jaga baku mara, deng tukang bafoya. Dorang suka orang laeng dapa cilaka deng suka bacarita tara bae tentang orang laeng.

Kisah Para Rasul 20:33

Dalam kita pe hidup ini, kita tara perna ingin doi, biar itu doi mas atau doi perak. Deng kita tara perna ingin baju dari sapa saja.

Lukas 16:14

Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

1 Timotius 6:10

Karna orang yang gila doi, dorang itu mo biking macam-macam kajahatan. Dorang itu so tara percaya lagi Yesus pe ajaran karna dorang berusaha mo jadi kaya. Jadi dia pe ahir kabawa, dorang dapa sengsara skali yang biking sampe dong pe hati saki.

Lukas 12:15

Kong Yesus bicara pa orang banya yang ada di situ, “Ati-ati deng jaga diri bae-bae, jang sampe ngoni tara puas deng apa yang ngoni punya. Karna manusia pe hidup itu bukang cuma dari harta saja biar dia kaya skali lagi.”