Efesus 4:5 - Perjanjian Baru Bahasa Melayu Maluku Utara

⁵ Torang pe Tuhan cuma satu, torang pe percaya cuma satu, deng torang dapa baptis me pe tujuan cuma satu, untuk iko pa Dia.

Efesus 4:5 Referans Kwoze

1 Korintus 8:6

tapi untuk torang yang percaya, Tuhan Allah itu cuma satu saja. Dia itu torang pe Bapa, yang cipta samua-samua yang ada di dunia ini, deng Dia itu lagi yang kase torang hidup supaya tong hidup untuk biking Dia pe mau. Torang pe Tuhan me cuma satu, Yesus Kristus. Kong deng Dia itu suda, Tuhan Allah cipta dunia deng samua-samua yang ada. Deng karna Dia, torang bole hidup.

1 Korintus 12:13

Barang torang ini, ada orang Yahudi, deng ada yang bukang Yahudi. Ada orang karja yang dia pe tuang so bili, deng ada orang yang bebas. Torang samua Roh Kudus biking torang jadi satu, karna torang samua dapa baptis dari Roh Kudus yang sama. Roh Kudus yang sama itu, yang so ada pa torang samua, itu sama deng torang ada minum dari mata aer yang sama.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.

Roma 3:30

Tuhan Allah memang cuma satu. Dia mo biking orang-orang yang so percaya pa Yesus jadi orang yang tara sala pa Dia pe muka, biar dia itu orang Yahudi atau bukang Yahudi lagi.

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

1 Korintus 1:13

Ee, bikiapa kong ngoni bicara bagitu? Apa Yesus Kristus ada tabagi-bagi kong? Atau jang sampe ngoni pikir kata, kita Paulus dapa salib untuk ngoni? Atau waktu ngoni baptis orang, ngoni pake kita pe nama kong? Tarada to?

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.

2 Korintus 11:4

Kita bicara bagitu, barang ngoni itu gampang skali tarima orang laeng, biar itu dorang ajar yang sala tentang Yesus Kristus, atau tentang roh yang baku beda deng Roh Kudus yang ngoni so tarima, atau tentang kabar bae yang baku beda deng Kabar Bae tentang Yesus Kristus yang ngoni so tarima dari torang.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Efesus 4:13

sampe torang samua jadi satu karna sama-sama percaya pa Yesus Kristus, deng torang bole kanal pa Dia, Anak Allah. Torang lagi bole butul-butul iko pa Dia, deng torang pe sifat lebe hari lebe tamba bae sampe sama deng Yesus Kristus pe sifat.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

1 Korintus 12:5

Kong ada macam-macam cara untuk layani pa Tuhan, tapi Tuhan yang torang layani itu cuma satu saja.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

Yudas 1:20

Tapi ngoni sudara-sudara yang kita sayang, kase kuat ngoni pe hati supaya ngoni pe percaya pa Tuhan lebe tamba kuat, karna ajaran yang torang percaya itu butul-butul suci. Kong kase biar Roh Kudus yang pimpin pa ngoni waktu ngoni berdoa.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

Ibrani 6:6

Kong biar dorang so tau deng rasa samua itu, dorang so kase tinggal dorang pe percaya pa Dia, jadi tara mungkin mo pimpin bale pa dorang untuk bertobat. Barang, deng dorang kase tinggal dong pe percaya itu, dorang sama deng so kase salib ulang pa Anak Allah deng kase malu pa Dia di muka umum.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Titus 1:1

Titus, salam dari kita Paulus. Kita ini jaga biking apa yang Tuhan Allah suru deng kita ini Yesus Kristus pe utusan yang orang sebut rasul. Kita jadi Dia pe rasul itu supaya kita kase tau Tuhan pe Kabar Bae pa orang-orang yang Dia so pili la dorang dapa slamat. Kita dapa tugas kase kuat dorang pe percaya deng kase tau pa dorang ajaran yang butul. Ajaran itu yang mo tolong pa dorang supaya dorang bisa hidup iko Tuhan Allah pe mau.

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”