Efesus 4:4 - Perjanjian Baru Bahasa Melayu Maluku Utara

⁴ Torang yang percaya pa Yesus so jadi satu, sama deng torang so jadi satu badan, deng Roh Kudus yang ada pa torang me cuma satu. Kong cuma pa Tuhan Allah saja torang baharap karna Dia yang pangge pa torang untuk iko pa Dia.

Efesus 4:4 Referans Kwoze

Efesus 2:18

Barang, karna Yesus Kristus itu, torang samua dapa pintu maso untuk badekat pa Tuhan Allah torang pe Bapa. Kong Roh Kudus yang ada pa torang samua pe hati itu suda yang tolong pa torang untuk badekat deng Dia.

Efesus 4:1

Sudara-sudara, karna Tuhan so kase Dia pe bae yang basar itu pa torang, jadi ini nasehat dari kita yang skarang ada di penjara gara-gara kita jaga biking apa yang Tuhan suru. Tuhan so pangge pa ngoni la iko pa Dia, jadi kita bilang pa ngoni supaya ngoni hidup butul sama deng yang pantas untuk orang yang so iko pa Dia.

Efesus 1:18

Kong kita minta lagi supaya Dia buka ngoni pe hati, la ngoni bisa mangarti butul samua hal yang ngoni bole harap pa Dia karna ngoni yang Dia so pili jadi Dia pe umat. Deng kita minta lagi supaya ngoni mangarti pe hebat skali samua janji yang Dia mo kase pa ngoni itu.

1 Korintus 12:20

Memang manusia pe badan itu ada kaki, tangan, mata deng banya yang laeng lagi, tapi dia pe badan itu cuma satu saja.

Kolose 1:5

Ngoni percaya deng sayang macam bagitu, barang ngoni so yakin, ngoni akan tarima apa yang Tuhan Allah so kase sadia untuk ngoni di sorga. Ngoni jadi yakin itu, mulai dari pertama kali ngoni dengar ajaran yang butul, itu Kabar Bae tentang Yesus Kristus.

Efesus 5:30

Dia jaga deng sayang pa Dia pe jemaat karna torang ini sama deng Dia pe kaki, tangan, deng samua-samua yang ada pa Dia pe badan.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

Titus 2:13

Sementara torang biking samua itu, torang batunggu hari yang nanti biking torang paling sanang waktu Tuhan Yesus Kristus datang lagi deng Dia pe kuasa yang luar biasa. Dia itu suda torang pe Tuhan Allah Yang Paling Berkuasa, deng yang kase slamat pa torang. Torang pe harapan cuma pa Dia.

Titus 1:2

Kita ajar pa orang-orang yang percaya itu, supaya dorang bole baharap deng yakin, dorang bole dapa hidup deng Tuhan Allah slama-lamanya, sama deng Tuhan Allah so janji. Karna waktu Tuhan Allah bolong biking dunia ini, Dia so janji kamuka, Dia mo kase hidup slama-lamanya pa orang-orang yang percaya pa Dia. Dia pe janji itu pasti jadi, karna Tuhan Allah tara perna bafoya.

2 Tesalonika 2:16

Yesus Kristus, torang pe Tuhan, deng Tuhan Allah, torang pe Bapa, sayang skali pa torang deng salalu kase kuat torang pe hati sampe torang bole baharap deng yakin torang dapa hidup deng Dia slama-lamanya. Torang bole yakin bagitu, karna torang tau, Yesus Kristus pe bae pa torang.

Kolose 3:15

Biar suda Yesus Kristus biking ngoni pe hati tetap tenang, karna Tuhan Allah so pangge pa ngoni untuk hidup baku bawa bae-bae satu deng yang laeng, sama deng ngoni jadi Yesus Kristus pe badan yang taika satu deng yang laeng. Kong ngoni lagi musti salalu bilang tarimakasi banya pa Tuhan Allah.

Efesus 2:22

Jadi skarang, karna torang so jadi satu hati deng Yesus Kristus, biar dari bangsa mana saja, Dia biking torang samua jadi satu, sama deng satu ruma, kong di situ tampa untuk Tuhan Allah pe Roh tinggal.

Efesus 2:16

Jadi, deng Yesus Kristus so mati di kayu salib, Dia biking torang orang-orang Yahudi deng ngoni orang-orang bukang Yahudi pe hubungan so bae-bae ulang deng Tuhan Allah, kong torang samua so tara baku musu lagi.

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Titus 3:7

Tuhan Allah kase Dia pe bae pa torang, itu yang biking torang jadi orang yang tara sala pa Dia pe muka, kong deng bagitu, torang ada hak tarima Tuhan Allah pe janji untuk hidup deng Dia slama-lamanya, sama deng yang torang so harap.

1 Timotius 1:1

Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.

1 Korintus 10:17

Roti itu cuma satu kong ada pela-pela, baru torang makang sama-sama dari roti itu. Jadi, biar torang banya orang tapi torang samua sama deng so jadi satu badan karna torang pe hubungan deng Yesus Kristus itu.

2 Korintus 11:4

Kita bicara bagitu, barang ngoni itu gampang skali tarima orang laeng, biar itu dorang ajar yang sala tentang Yesus Kristus, atau tentang roh yang baku beda deng Roh Kudus yang ngoni so tarima, atau tentang kabar bae yang baku beda deng Kabar Bae tentang Yesus Kristus yang ngoni so tarima dari torang.

Kisah Para Rasul 15:11

Jadi ngoni tara bole biking bagitu. Mala, torang orang Yahudi tau, torang dapa slamat dari dosa-dosa, cuma karna Tuhan Yesus pe bae yang cuma-cuma pa torang, sama deng Dia pe bae pa dorang orang-orang bukang Yahudi lagi.”

Roma 11:29

Tuhan Allah masi sayang pa orang Yahudi, karna kalu Dia pili orang untuk jadi Dia pe umat deng kase yang bae pa dorang, Dia tara perna beruba pikiran.