Efesus 4:3 - Perjanjian Baru Bahasa Melayu Maluku Utara

³ Ngoni musti berusaha sunggu-sunggu supaya hidup baku bawa bae-bae, karna Roh Kudus so biking torang jadi satu.

Efesus 4:3 Referans Kwoze

1 Korintus 1:10

Sudara-sudara, karna kita ini torang pe Tuhan Yesus Kristus pe utusan, jadi kita minta pa ngoni samua supaya ngoni baku dengar satu deng yang laeng. Ngoni tara bole tapisa satu deng yang laeng, tapi ngoni musti tetap jadi satu, satu pikiran deng satu tujuan.

Ibrani 12:14

Ngoni berusaha suda hidup baku bawa bae-bae deng samua orang, deng ngoni berusaha lagi hidup deng hati yang bersi pa Tuhan Allah pe muka. Kalu orang tara hidup deng hati bersi pa Tuhan Allah pe muka, orang itu nanti tara mo lia pa Tuhan Allah.

Yohanes 13:34

Skarang, Kita mo kase parenta yang baru pa ngoni, bagini: ngoni ini musti baku sayang. Ngoni musti baku sayang sama deng Kita so sayang pa ngoni.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

1 Tesalonika 5:13

Ngoni musti hargai deng sayang pa dorang karna samua yang dorang biking itu untuk tolong pa ngoni. Kong ngoni musti salalu hidup baku bawa bae-bae.

Efesus 4:4

Torang yang percaya pa Yesus so jadi satu, sama deng torang so jadi satu badan, deng Roh Kudus yang ada pa torang me cuma satu. Kong cuma pa Tuhan Allah saja torang baharap karna Dia yang pangge pa torang untuk iko pa Dia.

Efesus 4:13

sampe torang samua jadi satu karna sama-sama percaya pa Yesus Kristus, deng torang bole kanal pa Dia, Anak Allah. Torang lagi bole butul-butul iko pa Dia, deng torang pe sifat lebe hari lebe tamba bae sampe sama deng Yesus Kristus pe sifat.

Markus 3:24

Kalu dalam satu kerajaan baku malawang kong tapisa-pisa, pasti kerajaan itu akan ancor.