Efesus 4:2 - Perjanjian Baru Bahasa Melayu Maluku Utara

² Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Efesus 4:2 Referans Kwoze

1 Korintus 13:7

Deng dia lagi batahang deng orang yang pe kalakuang tara bagus, dia salalu percaya pa orang laeng, dia salalu baharap orang laeng biking barang yang butul, deng biar lagi dia dapa siksa macam-macam, dia tetap sabar.

Roma 15:1

Torang yang pe percaya so kuat pa Tuhan, torang musti sabar pa orang-orang yang pe percaya bolong kuat pa Tuhan. Jang torang cuma cari tong pe sanang sandiri.

Matius 11:29

Dengar kong iko suda Kita pe parenta, sama deng sapi yang ada kase pake tali kong iko dia pe tuang pe parenta. Balajar suda dari Kita karna Kita ini bae-bae deng tara sombong, kong ngoni pe hati akan jadi tenang.

1 Timotius 6:11

Tapi Timotius, ngana itu so jadi Tuhan Allah pe umat. Jadi jang ngana badekat deng hal-hal yang tara bae. Ngana musti berusaha hidup butul pa Tuhan Allah pe muka, iko Tuhan Allah pe mau, tamba percaya pa Yesus, tamba sayang pa orang laeng, tetap tahang hadapi macam-macam susa, deng tara kasar pa orang laeng.

1 Petrus 3:15

Tapi ngoni musti hormati pa Kristus kong biking Dia jadi Raja di ngoni pe hati. Kalu ada orang yang batanya tentang ngoni pe harapan pa Tuhan Yesus, ngoni musti salalu siap bajawab pa dorang. Kong waktu ngoni bajawab, ngoni musti bajawab pa dorang itu deng bae-bae deng kase tunju ngoni pe rasa hormat,

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

Galatia 6:2

Ngoni baku-baku bantu suda satu deng yang laeng, karna itu sama deng ngoni ada bantu pikul orang laeng pe beban. Kalu ngoni biking bagitu, ngoni so biking parenta yang Yesus Kristus ada suru untuk ngoni mo biking.

Efesus 1:4

Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.

Kisah Para Rasul 20:19

Ngoni tau, kita bakarja untuk Tuhan deng hati yang tara sombong, mala banya kali kita karja deng mamanangis. Kita me dapa banya cobaan dari orang-orang Yahudi yang baku skongkol mo bunu pa kita.

Markus 9:19

Kong Yesus bilang pa dorang bagini, “Bukang maeng ngoni orang-orang skarang ini yang tara percaya! Barapa lama lagi Kita musti sama-sama deng ngoni? Deng sampe barapa lama lagi Kita musti basabar deng ngoni? Bawa suda ana itu kamari!”

Yakobus 1:21

Jadi ngoni musti berenti biking samua hal yang tara bae deng yang jahat. Ngoni musti tarima Tuhan Allah pe firman deng hati yang tara sombong. Firman itu so ada di ngoni pe hati, kong punya kuasa untuk kase slamat pa ngoni.

Kolose 1:11

Kita minta lagi pa Tuhan Allah supaya Dia kase kuat ngoni pe hati deng Dia pe kuasa yang luar biasa itu, la biar apa saja yang ngoni hadapi, ngoni tetap percaya, ngoni tetap sabar deng ngoni pe hati tetap sanang.

1 Petrus 3:8

Jadi skarang, kita minta pa ngoni la ngoni samua hidup satu hati. Kalu ada dari ngoni yang rasa susa ka sanang, ngoni yang laeng me musti rasa sama deng yang dia rasa. Ngoni me musti sayang pa ngoni pe sudara-sudara yang percaya, kase tunju ngoni pe rasa kasiang pa samua orang, deng jang basombong.