Efesus 4:12 - Perjanjian Baru Bahasa Melayu Maluku Utara

¹² Yesus Kristus kase Dia pe kemampuan pa dorang itu, supaya dorang bole tolong pa orang-orang yang so jadi Tuhan Allah pe umat. Tuhan Allah pe umat itu sama deng Yesus Kristus pe badan. Kalu Tuhan Allah pe umat dapa tolong bagitu, Dia pe umat bole biking dorang pe tugas, deng dorang lagi bole baku kase kuat dong pe percaya,

Efesus 4:12 Referans Kwoze

Efesus 4:16

Kong Dia yang biking torang yang percaya jadi satu, sama deng torang ini satu badan: torang ini sama deng Dia pe kaki, tangan, deng samua-samua yang ada pa Dia pe badan. Dia pe kuasa ada pa torang samua, jadi kalu torang masing-masing biking tong pe tugas yang Dia so kase, kuasa itu biking torang lebe hari lebe tamba baku sayang deng lebe tamba baku kase kuat torang pe percaya.

1 Korintus 12:27

Bagitu lagi deng ngoni. Ngoni samua yang percaya jadi satu, sama deng Yesus Kristus pe kaki, tangan, mata deng bagian-bagian laeng lagi. Itu sama saja deng ngoni itu jadi Yesus Kristus pe satu badan anteru.

Roma 15:14

Sudara-sudara, kita tau butul ngoni so banya biking barang yang bae, ngoni so banya mangarti Tuhan pe ajaran, deng ngoni me so mampo untuk baku kase ajar satu deng yang laeng Tuhan pe ajaran itu.

1 Korintus 14:26

Jadi bagini sudara-sudara, kalu ngoni bakumpul sama-sama untuk baibada, lebe bae ngoni masing-masing ambe bagian: ada yang manyanyi puji pa Tuhan, ada yang mangajar, ada yang kase jelas apa yang Tuhan Allah so kase tunju pa dia, ada yang bicara pake bahasa roh, deng ada lagi yang kase mangarti bahasa roh itu untuk jemaat. Ngoni biking samua itu untuk kase kuat jemaat.

Roma 14:19

Jadi, mari suda torang salalu berusaha baku bawa bae-bae deng baku kase kuat torang samua pe percaya.

1 Timotius 1:12

Kita bersukur pa Kristus Yesus, torang pe Tuhan yang kase kuat pa kita. Kita bersukur pa Dia karna Dia anggap kita ini Dia pe orang yang setia sampe Dia kase percaya pa kita biking Dia pe tugas yang Dia suru.

1 Korintus 14:12

Jadi bagitu lagi deng ngoni. Kita tau ngoni so berusaha skali dapa karunia-karunia dari Roh Kudus. Itu bagus, tapi yang paling penting, ngoni berusaha dapa karunia yang bisa ngoni pake untuk lebe kase kuat jemaat.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

Ibrani 6:1

Jadi, jang torang cuma ulang-ulang balajar ajaran-ajaran dasar yang tong tarima waktu tong baru jadi percaya pa Yesus Kristus. Tapi, torang yang so lama percaya musti balajar ajaran yang biking torang pe percaya pa Yesus Kristus lebe tamba kuat. Torang tara usa ulang-ulang balajar ajaran dasar macam ini: ajaran tentang bertobat dari torang pe kalakuang yang tarada dia pe guna, ajaran tentang musti percaya pa Tuhan Allah,

2 Korintus 6:3

Torang berusaha hidup bae-bae supaya jang torang biking orang tara mo iko pa Yesus Kristus. Jadi, deng torang hidup bae-bae bagitu, tara ada orang yang mo kase sala apa-apa pa torang di torang pe pelayanan.

2 Korintus 5:18

Samua itu, Tuhan Allah yang biking. Jadi waktu Yesus Kristus mati di kayu salib, Dia kase bae-bae ulang torang manusia pe hubungan deng Tuhan Allah. Kong Dia lagi yang kase percaya pa torang untuk bantu pa orang-orang la dorang jadi percaya pa Dia supaya dorang me pe hubungan deng Tuhan Allah jadi bae-bae ulang.

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

2 Timotius 4:5

Tapi biar bagitu me, Timotius, ngana musti tetap tenang dalam samua hal. Kalu ngana biking ngana pe tugas kong dapa siksa, ngana musti sabar. Ngana kase tau pa orang-orang Kabar Bae itu supaya dorang jadi percaya pa Yesus. Deng samua tugas yang Tuhan so kase pa ngana, biking bae-bae sampe selesai.

Kolose 4:17

Kong nanti ngoni bilang pa Arkhipus supaya dia kase selesai dia pe pelayanan yang dia so tarima karna dia so percaya pa Tuhan.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

Efesus 1:23

Kong orang-orang percaya itu bole kase sama deng Dia pe badan. Dia itu sama deng torang pe kapala yang biking torang ini jadi lengkap. Jadi, Yesus Kristus itu suda yang kase apa yang Dia punya pa Dia pe jemaat. Kong Dia me yang berkuasa pa samua-samua yang ada di mana saja.

2 Korintus 12:19

Mangkali ngoni pikir, torang tulis samua ini cuma untuk mo bela tong pe diri sandiri saja. Tarada, itu bukang torang pe maksut. Sudara-sudara yang kita sayang, samua yang torang kase tau ini, tong kase tau karna tong so percaya pa Yesus Kristus, kong Tuhan Allah jadi saksi, samua itu butul. Samua yang torang kase tau deng yang tong biking pa ngoni itu, cuma untuk kase kuat ngoni pe percaya.

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

2 Korintus 4:1

Karna Tuhan Allah pe sayang pa torang, Dia pili pa torang untuk kase tau Kabar Bae tentang Yesus Kristus pa orang-orang. Kong karna itu, torang tara ilang smangat waktu biking tugas ini.

2 Korintus 3:8

pasti akan lebe hebat lagi Tuhan Allah pe kuasa di Dia pe janji yang baru, to? Karna Roh Kudus yang bakarja di torang pe hati untuk iko janji yang baru itu.

1 Korintus 14:14

Barang, kalu kita berdoa pake bahasa roh, kata-kata yang kaluar itu kita tara mangarti karna itu bukang dari kita pe pikiran sandiri, tapi dari Roh Kudus.

Roma 15:29

Deng kita tau skali, waktu kita singga kong baku dapa deng ngoni di situ, nanti kita bawa banya berkat dari Yesus Kristus pa ngoni.

Roma 15:2

Tapi masing-masing orang dari torang musti biking yang bae pa orang laeng yang percaya, supaya dorang pe percaya pa Tuhan lebe tamba kuat.

Roma 12:7

Kalu Tuhan Allah so kase karunia pa torang untuk tolong orang, torang musti tolong orang. Kalu Tuhan Allah so kase karunia pa torang untuk mangajar, torang musti mangajar.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Kisah Para Rasul 11:23

Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.

Kisah Para Rasul 9:31

Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.

Kisah Para Rasul 1:25

supaya dia ganti pa Yudas dalam pelayanan ini untuk jadi Yesus pe rasul. Barang, Yudas so mati kong dia so ada di tampa yang pantas iko sama deng apa yang dia biking.”

Kisah Para Rasul 1:17

Padahal, Yudas itu satu dari torang. Dia jaga pigi pelayanan sama-sama deng torang.”

2 Timotius 4:11

Yang tinggal sama-sama deng kita di sini cuma Lukas. Jadi ngana pigi cari pa Markus la ngoni dua datang kamari, karna Markus bole bantu pa kita biking kita pe tugas di sini.

Efesus 4:29

Kalu ngoni bicara, jang ada kata-kata tara bae kaluar dari ngoni pe mulu. Lebe bae, yang musti ngoni pake waktu bicara itu, kata-kata yang bisa kase kuat orang laeng pe hati, deng kata-kata yang perlu dorang dengar untuk dong pe bae.

Efesus 4:4

Torang yang percaya pa Yesus so jadi satu, sama deng torang so jadi satu badan, deng Roh Kudus yang ada pa torang me cuma satu. Kong cuma pa Tuhan Allah saja torang baharap karna Dia yang pangge pa torang untuk iko pa Dia.

2 Korintus 13:9

Barang, biar orang lia torang ini pemimpin yang tara kuat, torang pe hati tetap sanang asal ngoni pe percaya kuat pa Tuhan Yesus. Torang minta pa Tuhan la ngoni jadi tamba butul-butul iko pa Dia.

1 Korintus 12:7

Tiap orang tarima karunia dari Roh Kudus untuk samua orang pe bae.

Roma 12:5

Bagitu lagi deng torang. Biar torang banya orang, tapi tong so jadi satu sama deng torang ini satu badan karna torang so percaya pa Yesus Kristus. Kong torang samua baku perlu satu deng laeng, sama deng kaki, tangan deng yang laeng-laeng baku perlu.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.