Efesus 4:10 - Perjanjian Baru Bahasa Melayu Maluku Utara

¹⁰ Dia yang so perna turung, Dia itu suda Yesus Kristus. Dia me yang so perna nae di tampa yang tinggi di sorga, supaya Dia bole berkuasa pa samua-samua yang ada.

Efesus 4:10 Referans Kwoze

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

Ibrani 4:14

Skarang ini torang so untung, karna torang so ada Imam Basar yang Paling Hebat. Dia itu suda Yesus Kristus, Anak Allah. Dia yang kase bae-bae torang manusia yang berdosa pe hubungan deng Tuhan Allah. Dia so nae di sorga, kong so ada sama-sama deng Tuhan Allah. Jadi, mari suda torang tetap kuat percaya pa Dia.

Kolose 2:9

Inga, jang ngoni tapengaru deng dong pe ajaran yang sala itu, karna samua Tuhan Allah pe sifat deng kuasa ada pa Yesus Kristus pe diri.

Kolose 1:19

Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Matius 24:34

Dengar bae-bae yang Kita bilang pa ngoni ini, orang-orang yang hidup skarang ini, ada yang masi hidup sampe samua itu jadi.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Efesus 3:19

kong Dia pe sayang itu, lebe basar dari apa yang torang pikir. Kita minta pa Tuhan Allah la ngoni bole butul-butul mangarti Yesus Kristus pe sayang itu, supaya orang lebe tamba dapa lia Tuhan Allah pe sifat pa ngoni pe hidup.

Kisah Para Rasul 1:9

Pe abis bilang bagitu, Yesus taangka ka atas di sorga pa dorang pe muka-muka, kong awan tutu pa Dia sampe dorang so tara dapa lia lagi pa Dia.

Ibrani 8:1

Yang paling penting dari samua yang kita so bilang itu, bagini: Yesus Kristus itu so jadi torang pe Imam Basar yang kase bae-bae torang pe hubungan deng Tuhan Allah. Dia so dudu di tampa yang terhormat, pa Tuhan Allah yang Paling Berkuasa pe sabla kanan di sorga.

Kisah Para Rasul 3:18

Tapi Tuhan Allah kase biar bagitu, barang dari dulu Dia so bilang pa Dia pe nabi-nabi, Mesias yang Dia utus mo kase slamat pa manusia, nanti mo dapa banya siksa.

Kisah Para Rasul 2:33

Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini.

Kisah Para Rasul 1:11

Kong dong dua bilang bagini, “Ee, orang-orang Galilea, bikiapa kong ngoni masi bahaga ka atas di langit? Yesus so taangka ka atas di sorga. Nanti Dia akan datang ulang di dunia ini, sama deng skarang ini ngoni lia Dia taangka ka atas di sorga.”

Yohanes 19:36

Tentara tara kase pata Yesus pe kaki, supaya apa yang tatulis di Kitab Suci itu jadi. Bagini yang so tatulis di Kitab Suci, “Tara ada satu dari Dia pe tulang yang dapa kase pata.”

Yohanes 19:28

Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Yohanes 19:24

Jadi, dorang baku bilang, “Juba ini torang tara usa robe untuk kase bage-bage, tapi torang cabu undi suda la tentukan sapa yang mo dapa juba ini.” Baju deng juba itu dorang biking bagitu, itu sama deng yang so tatulis dulu di Kitab Suci. Ini yang tatulis, “Dorang kase bage-bage Kita pe baju di antara dorang, kong dorang cabu undi untuk dapa Kita pe juba.” Jadi deng tentara-tentara biking itu, apa yang so tatulis di Kitab Suci dulu itu so jadi.

Yohanes 1:16

Dia pe sayang pa torang tara perna abis-abis. Kong karna Dia pe sayang itu, Dia tara berenti-berenti kase Dia pe bae pa torang samua.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

2 Korintus 12:2

Ada satu orang percaya yang kita kanal. Ampa blas taong yang lalu, kage-kage dia taangka ka atas di sorga, di tingkat yang ketiga. Tapi kita tara tau, dia taangka deng dia pe badan, atau cuma dia pe roh yang taangka, itu cuma Tuhan Allah saja yang tau.